Í áfanganum er áhersla lögð á að nemendur verði vel læsir á flóknari texta en áður. Þeir eru þjálfaðir í að tileinka sér orðaforða, tjá hugsun sína skýrt í ræðu og riti og rökstyðja skoðanir sínar. Lesin eru styttri og lengri bókmenntaverk úr hinum enskumælandi menningarheimi. Nemendur vinna í auknum mæli sjálfstætt að viðameiri verkefnum svo sem kynningum og stærri ritunarverkefnum.
ENSK2SG05
Nemandi skal hafa öðlast þekkingu og skilning á:
grundvallaratriðum enskrar málnotkunar
orðaforða í tengslum við efni áfangans
flóknari málfræðireglum
Nemandi skal hafa öðlast leikni í að:
beita flóknari málfræðireglum í orði og riti
rita lipra texta byggða á efni áfangans
tjá sig af öryggi um valin málefni
Nemandi skal geta hagnýtt þá almennu þekkingu og leikni sem hann hefur aflað sér til að:
skilja fjölbreytta og flókna texta og áttað sig á dýpri merkingu þeirra
tjá sig munnlega um ýmis efni með viðeigandi orðaforða og eðlilegum hraða og hrynjandi
skrifa texta þar sem tillit er tekið til uppbyggingar, röksemdafærslu og notkunar heimilda
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.