Í áfanganum er farið yfir fræðilega þætti upphitunar, liðleika-, styrktar- og þolþjálfunar.
Farið er yfir mikilvægi upphitunar í fyrirbyggingu meiðsla og mikilvægi þolþjálfunar til að koma í veg fyrir ýmsa velferðarsjúkdóma.
Farið er yfir mikilvægi líkamsstyrks fyrir stoðkerfi líkamans, líkamsbeitingu og líkamsreisn. Farið er yfir mikilvægi liðleika og liðleikaþjálfunar fyrir líkamann og mikilvægi þess að ástunda liðleikaþjálfun samhliða styrktarþjálfun. Komið er inn á mismunandi möguleika og aðferðir við uppbyggingu og þjálfun á þoli, styrk og liðleika. Nemendum verða kynntar einfaldar aðferðir til að mæla og meta þol, styrk, liðleika og líkamsstöðu.
Komið verður inn á snerpu, hraða og samhæfingu hreyfinga og hvernig hægt er að vinna með og bæta þá þætti.
Farið er yfir helstu grunnatriði skyndihjálpar með sérstakri áherslu á meðhöndlun meiðsla og slysa er verða við iðkun íþrótta.
Nemendur fá fræðslu um hollt mataræði, heilbrigðan lífsstíl og gildi þess að lifa heilbrigðu lífi almennt.
Farið er lauslega yfir helstu forsendur þjálfunar, s.s. starfsemi vöðva, liða, tauga sem og flutning súrefnis og næringar um líkamann.
Fjallað er um gildi reglulegrar og skipulagðar þjálfunar og nemendum gerð grein fyrir ábyrgð á eigin líkama.
LÝÐH1HÞ 01
Nemandi skal hafa öðlast þekkingu og skilning á:
upphitun og hvernig upphitun er mismunandi milli greina
mikilvægi alhliða þolþjálfunar og hvernig byggja megi upp gott grunnþol
mikilvægi styrktar- og liðleikaþjálfunar fyrir stoðkefi líkamans, rétta líkamsbeitingu og líkamsreisn
mikilvægi skyndihjálpar og meðhöndlun algengustu meiðsla
mikilvægi réttrar líkamsbeitingar í daglegu lífi og við íþróttaiðkun
gildi og nauðsyn heilbrigðs lífernis fyrir heilsuna
mikilvægi alhliða líkamsræktar fyrir andlega og líkamlega heilsu
Nemandi skal hafa öðlast leikni í að:
útbúa æfingaáætlanir sem nýtast honum við þjálfun á þoli, styrk og liðleika
nota góða vinnutækni og beita líkamanum rétt við leik og störf
nota einfaldar prófanir til að meta eigið líkamsástand - hvað varðar þol, styrk, liðleika og líkamsstöðu
efla á markvissan og einstaklingsbundinn hátt líkamshreysti og andlegan styrk
þekkja og velja holla fæðu
Nemandi skal geta hagnýtt þá almennu þekkingu og leikni sem hann hefur aflað sér til að:
vinna áætlanir er lúta að almennri líkamsrækt og heilsueflingu
vinna eftir áætlunum er er lúta að almennri líkamsrækt og heilsueflingu
stunda fjölbreytta líkamsrækt í sínu nær umhverfi
framkvæma eigin þjálfáætlun sem miðar að því að auka líkamlegt þol og styrk
nýta sér upplýsingatækni við gerð áætlana fyrir alhliða líkams- og heilsurækt og við meta áhrif þjálfunar á líkamann
Byggir á ástundun, verkefnavinnu og lokaverkefni. – Nánar útfært í kennsluáætlun.