Helstu menningarríki fornaldar er tengjast þróun lýðræðis á Vesturlöndum og samfélag miðalda í Evrópu, víkingaöld og upphaf Íslandsbyggðar. Stjórnarhættir á Íslandi, trúarbrögð á miðöldum, átök um landið á 13. öld, norsk stjórn og síðan dönsk. Endurreisn í Evrópu, könnun heimsins, breytingar á trúarsiðum, stjórnarfari og efnhagsmálum. Upplýsingin á 17. og 18. öld og áhrif hennar erlendis og hér á landi. Unnið með sögulega texta, hugtök og atburði og greint, einnig búinn til rammi til staðsetningar í tíma og rúmi.
Nemandi skal hafa öðlast þekkingu og skilning á:
völdum þáttum í sögu Vesturlanda frá fornöld til um 1800
helstu menningarríkjum í fornöld og upphafi lýðveldis og lýðræðis
upphafi Íslandsbyggðar og völdum þáttum úr sögu Íslands fram til 1800
nýjum trúar og menningarhugmyndum á Vesturlöndum eftir 1400
könnun Evrópubúa á öðrum heimshlutum og áhrifum þess
hugmyndum um verslun og hagkerfi 17. og 18. aldar
þróun stjórnarfars og hugmynda um það á Vesturlöndum fram til 1800
upplýsingunni og áhrifum hennar erlendis og á Íslandi
Nemandi skal hafa öðlast leikni í að:
vinna með einfalda sögulega texta
greina texta á gagnrýninn hátt
vinna með söguleg hugtök og atburði
Nemandi skal geta hagnýtt þá almennu þekkingu og leikni sem hann hefur aflað sér til að:
mynda sér sögulegan ramma til að staðsetja sig í tíma og rúmi sögunnar
miðla sögulegri þekkingu sinni til samnemenda og annarra