Áfanginn fjallar um mótun nútímasamfélags með megináherslu á tímabilið frá því um 1800 og fram um miðja 20. öld. Umfjöllun hefst við lok upplýsingaraldar og lýkur á umbrotatímum 20. aldar.
SAGA1ÞM05
Nemandi skal hafa öðlast þekkingu og skilning á:
þróun vestræns samfélags frá byltingartímum 18. aldar
hinu mikla breytingaskeiði frá því um 1800 og fram á 20. öld
tengslum íslenskrar sögu við hina almennu sögu tímabilsins
helstu einkennum Íslands í samanburði við umheiminn
umbyltingu samfélagsins frá lokum 19. aldar samhliða hinni íslensku iðnbyltingu
mótun nútímasamfélags, atvinnuhátta og stjórnmála
Nemandi skal hafa öðlast leikni í að:
fást við sögulegar orsakaskýringar
nota heimildir og leggja á þær gagnrýnið mat
leita sér þekkingar með sjálfstæðum hætti
miðla þekkingu sinni á skipulegan hátt og taka þátt í samræðum um álitamál
Nemandi skal geta hagnýtt þá almennu þekkingu og leikni sem hann hefur aflað sér til að:
beita gagnrýnni hugsun í glímu við söguleg og samtímaleg viðfangsefni
kanna á sjálfstæðan hátt þætti úr sögu eigin umhverfis og samfélags
semja frambærilega heimildaritgerð
átta sig á baksviði ýmissa þeirra viðfangsefna og vandamála sem samtími hans stendur frammi fyrir
Námsmat er útfært í kennsluáætlun í samræmi við skólanámskrá.