Markmið áfangans er að efla færni nemenda til að takast á við lífið sem ábyrgir og heilbrigðir einstaklingar. Nemendur fá aðstoð við að glöggva sig á námsleiðum skólans og kröfum hugsanlegra viðtökuskóla eða atvinnulífs. Fjallað er um skipulag og æskileg vinnubrögð í námi. Unnið er með verkefnið „Heilsumarkmiðin mín“ þar sem nemendur setja sér raunhæf og mælanleg markmið (SMART-markmið) varðandi hreyfingu, mataræði, svefnvenjur og andlega líðan. Jafnframt er fjallað um kynhegðun, ávanabindandi efni, fjármálalæsi, neytendamál, lýðræði og mannréttindi. Áhersla er lögð á sjálfstæð og öguð vinnubrögð nemenda. Lagt er upp úr því að styrkja samkennd nemenda og að efla tjáningarhæfni þeirra og sjálfstraust.
Engar
Nemandi skal hafa öðlast þekkingu og skilning á:
námskröfum skólans og skólaumhverfinu
námsmöguleikum og skólakerfinu
árangursríkum námsaðferðum og mikilvægi markmiðssetningar
atvinnulífi og möguleikum til framtíðarstarfs
leiðum til að efla sjálfsmyndina
lýðheilsu og mikilvægi heilbrigðs lífstíls
forvörnum varðandi ávanabindandi efni
SMART-markmiðssetningu
helstu fjármálahugtökum
lýðræði og borgaravitund
jafnrétti
réttindum og ábyrgð neytenda.
Nemandi skal hafa öðlast leikni í að:
leita upplýsinga um námsmöguleika og skólakerfið
afla sér upplýsinga um atvinnulífið og starfsmöguleika í framtíðinni
beita árangursríkum námsaðferðum og setja sér raunhæf markmið
beita aðferðum sem bæta sjálfsmynd einstaklings
gera áætlun um fjármál og meta upplýsingar um fjármál
afla sér upplýsinga um lýðheilsu og tileinka sér heilbrigðan lífstíl
fjalla um lýðræði og jafnréttismál
fjalla um rétt neytenda út frá lögum, siðferði og auglýsingum.
Nemandi skal geta hagnýtt þá almennu þekkingu og leikni sem hann hefur aflað sér til að:
beita skipulögðum vinnubrögð í námi ...sem er metið með... verkmöppu
tileinka sér heilbrigðan lífsstíl varðandi hreyfingu, mataræði, svefnvenjur, andlega líðan og kynhegðun ...sem er metið með... verkmöppu og SMART-markmiðssetningu
takast á hendur skuldbindingar og sýna ábyrgð í fjármálum ...sem er metið með... fjárhagsáætlun í verkmöppu
rækta með sér samkennd, samhygð og virðingu fyrir skoðunum og lífsgildum annarra til að geta átt auðug og fordómalaus samskipti við aðra ...sem er metið með... frammistöðu í kennslustundum
sýna frumkvæði í að rækta sköpunargáfu sína og aðlögunarhæfni í verkefnum innan og utan skóla en það felur m.a. í sér að nemandi sýni fram á gagnrýna hugsun, kjark til að leysa mál og frumkvæði til framkvæmda ...sem er metið með... verkmöppu og frammistöðu í kennslustundum
gera raunhæfar áætlanir um námsleiðir er honum standa til boða í framhaldsskóla með hliðsjón af áframhaldandi námi eða þátttöku í atvinnulífi ...sem er metið með... verkmöppu
axla ábyrgð á eigin lífi, sem m.a. felur í sér að taka ábyrga afstöðu til fíkniefna og lyfja ...sem er metið með... verkmöppu og frammistöðu í kennslustundum
beita lýðræðislegum vinnubrögðum í samvinnu við aðra ...sem er metið með... verkmöppu og frammistöðu í kennslustundum
fjalla um ýmis dægurmál sem efst eru á baugi hverju sinni í næsta umhverfi eða á opinberum vettvangi ...sem er metið með... verkmöppu og frammistöðu í kennslustundum.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggir á á einstaklings- og hópavinnu, verkmöppu, ástundun, frumkvæði nemandans, þátttöku í kennslustundum og framförum. Mat á einstökum þáttum námsins er ýmist í formi kennaramats, jafningjamats og sjálfsmats.