fjölbreytt málnotkun og lestur, framtíð, viðtengingarháttur, þolmynd
Samþykkt af skóla
2
5
Í þessum áfanga verður bætt við málfræðina til að auðga mál nemenda. Orðaforði daglegs lífs er dýpkaður og aukinn og meiri áhersla er lögð á umfjöllun um valin málefni líðandi stundar, t.d. fréttatengt efni. Nemendur velja sér verkefni tengdum áhugasviðum. Í áfanganum verður lesin skáldsaga þar sem áhersla er lögð á skriflega og munnlega tjáningu. Nemendur eru hvattir til þess að nýta sér upplýsingatækni í námi sínu og einnig til að nýta áfram þýsk-þýskar orðabækur við vinnu sína. Þessi áfangi er á stigi B1 samkvæmt evrópska tungumálarammanum.
ÞÝSK2ÞL05
Nemandi skal hafa öðlast þekkingu og skilning á:
orðaforða sem nauðsynlegur er til þess að auka hæfni í áfanganum
fjölbreyttri menningu í þýskumælandi löndum með áherslu á líf ungs fólks og geti samsamað það eigin reynslu
mismunandi og flóknari textagerðum, s.s. skáldsögum, tímaritsgreinum, kvikmyndum og hlustunarefni
grundvallaratriðum þýska málkerfisins, bæði flóknari málfræðiatriðum og orðatiltækjum sem auðga málvitund
Nemandi skal hafa öðlast leikni í að:
fylgja meginefni lengri texta með almennum orðaforða og að nokkru leyti sérhæfðum
ná aðalatriðum í textum, dagblöðum, tímaritum eða á netinu með hjálp orðabókar
greina aðalatriði í fjöl- og myndmiðlum þegar fjallað er um afmörkuð málefni
nota fjölbreyttan orðaforða við almenn samskipti við þýskumælandi fólk
beita flóknari málfræðiatriðum af öryggi, s.s. viðtengingarhætti, framtíð og þolmynd
Nemandi skal geta hagnýtt þá almennu þekkingu og leikni sem hann hefur aflað sér til að:
skilja almennt mál, s.s. samræður og fjölmiðlaefni sem hann þekkir og bregðast rétt við ...sem er metið með... verkefnavinnu og samtalsæfingum
eiga samskipti við þýskumælandi aðila um efni sem tengjast daglegu lífi, ferðalögum, skóla og starfi ...sem er metið með... símati og verkefnamöppu
leysa úr viðfangsefnum einn eða í samstarfi við aðra og geta leitað sér nauðsynlegra upplýsinga ...sem er metið með... símati og verkefnamöppu
Lögð er áhersla á fjölbreytt námsmat. Öll verkefni sem eru unnin í áfanganum eru sett í möppu. Þessi verkefnamappa ásamt virkni myndar lokaeinkunn nemenda.