Vísindadagar eru skipulagðir innan skólans sem sjálfstæð og einingabær vinna. Á þeim tíma leggst hefðbundin kennsla niður og nemendur vinna í hópum við valin viðfangsefni í þrjá daga (20 klst). Viðfangsefnin eru ákveðin með góðum fyrirvara og undirbúningur hefst strax við upphaf annar. Markmiðið með vísindadögum er að nemendur kynnist því hvað til þarf svo hægt sé að svara á vísindalegan hátt áleitnum spurningum, jafnvel úr daglegu lífi og umhverfi.
Nemandi skal hafa öðlast þekkingu og skilning á:
mikilvægi undirbúnings og þátttöku til að ná árangri sem einstaklingur
óhefðbundnu skólastarfi og margvíslegum tækifærum sem því fylgja til náms og þroska
mikilvægi vinnu, skipulags og útsjónarsemi til að framkvæma vel heppnaða athugun
vísindalegum vinnubrögðum
Nemandi skal hafa öðlast leikni í að:
vinna með öðrum að settu markmiði
skipuleggja tíma sinn
setja fram niðurstöður athugana á skýran hátt
Nemandi skal geta hagnýtt þá almennu þekkingu og leikni sem hann hefur aflað sér til að:
taka ábyrgð á eigin vali
hafa áhrif á þróunar- og undirbúningsstarf
sýna tillitssemi, hlusta á ólík sjónarmið og komast að niðurstöðu
velja heppilega leið til að sýna og kynna niðurstöður athugana
Vinnuframlag og virk þátttaka nemandans er metin. Einnig er tekið mið af árangri hópsins í heild.
Námsmat byggir á mælanlegri virkni við undirbúning athugana, við framkvæmd þeirra og loks kynningu á niðurstöðum í máli og myndum