bergtegundir og greining steinda, eldstöðvar og eldstöðvakerfi, eldvirkni, innræn og útræn öfl, jarðfræði íslands
Samþykkt af skóla
2
5
Í áfanganum verður fjallað um jarðfræði Íslands. Áhrif innrænna og útrænna afla á landmótun verða skoðuð. Fjallað verður um sérstöðu landsins vegna legu þess á flekaskilum og áhrifa frá heita reitnum undir landinu. Jarðskorpuhreyfingar og afleiðingar þeirra verða skoðaðar. Fjallað verður um mismunandi eldstöðvar. Útrænum öflum og áhrifum þeirra á landmótun verða gerð sérstök skil. Þá verða mismunandi bergtegundir skoðaðar, bæði storkuberg og ummyndunarsteindir. Nemendur fá þjálfun í að greina algengar bergtegundir.
INGA1NA05
Nemandi skal hafa öðlast þekkingu og skilning á:
landreki, drifkrafti þess og eldvirkni
mismunandi eldvirkni og þeim þáttum sem hafa áhrif á virknina hverju sinni
myndun og þróun Íslands
mismunandi kvikugerðum og mismunandi gerðum eldgosa
jarðskjálftum og mismunandi gerðum jarðskjálftabylgna
helstu eldstöðvakerfum landsins
helstu roföflum, ferlum þeirra og ummerkjum á landinu
myndun steinda og bergs
helstu steindum, bæði í storkubergi og í ummynduðu bergi
Nemandi skal hafa öðlast leikni í að:
beita jarðfræðilegum hugtökum og kenningum á greinargóðan og skilmerkilegan hátt
staðsetja jarðfræðifyrirbrigði á landinu og geta útskýrt samhengi þeirra við jarðfræðiöflin
greina steindir og bergtegundir og útskýra myndunarferli þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á uppbyggingu jarðlagastafla og rekja myndunarsögu út frá afstöðu jarðlaga ...sem er metið með... verkefnavinnu og vettvangsferðum
lesa í umhverfi sitt, draga ályktanir, flokka, sundurgreina og tengja fyrirbæri við jarðfræðilegt samhengi ...sem er metið með... verkefnavinnu og vettvangsferðum
fjalla um viðfangsefni jarðfræðinnar á rökrænan og upplýstan hátt ...sem er metið með... verkefnavinnu og vettvangsferðum
tengja saman mismunandi kvikugerðir, storkunarstað og bergtegundir ...sem er metið með... verkefnavinnu og vettvangsferðum
gera sér grein fyrir notagildi og mikilvægi jarðfræðinnar í daglegu lífi ...sem er metið með... verkefnavinnu
sýna sjálfstæð og öguð vinnubrögð í upplýsingaöflun, mati, úrvinnslu og framsetningu gagna ...sem er metið með... verkefnavinnu
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni. Munnlegt og skriflegt lokamat.