Í þessum áfanga er gerð grein fyrir hlutverki líffræðinnar og tengslum hennar við aðrar fræðigreinar. Fjallað er um helstu viðfangsefni líffræðinnar, farið yfir grunnhugtök og líffræðilega ferla og fjölbreytileiki lífvera kynntur. Skoðað verður samspil milli lífvera og umhverfis. Helstu efnisþættir eru: líffræði sem fræðigrein og undirflokkar hennar, helstu sameiginleg einkenni lífvera, efni og helstu efnaferlar í lífverum, bygging og starfsemi fruma, fjölbreytileiki og flokkun lífvera, grundvallaratriði vistfræðinnar og helstu kenningar um þróun. Lögð er áhersla á að nemendur öðlist þekkingu og skilning á umhverfi sínu og því sem menn eiga sameiginlegt með öðrum lífverum.
Nemandi skal hafa öðlast þekkingu og skilning á:
sérkennum líffræðinnar sem fræðigreinar og tengslum hennar við aðrar greinar
grundvallarhugtökum líffræðinnar
helstu einkennum lífvera
helstu fylkingum lífvera
grundvallaratriðum vistfræðinnar
helstu flokkum efna í lífverum
byggingu og starfsemi fruma
helstu kenningum um þróun
grundvallaratriðum erfða
efnaskiptum líkamans
Nemandi skal hafa öðlast leikni í að:
lesa líffræðilegar upplýsingar úr máli og myndum
skoða lífverur í náttúrunni og í smásjá
flokka lífverur og nota greiningarlykla
lesa í tengsl milli lífvera í umhverfinu
Nemandi skal geta hagnýtt þá almennu þekkingu og leikni sem hann hefur aflað sér til að:
auka skilning sinn á fyrirbærum náttúru- og raunvísinda ...sem er metið með... verkefnum og prófum
leggja gróft mat á upplýsingar sem tengjast líffræðilegum viðfangsefnum í samfélaginu á gagnrýninn hátt ...sem er metið með... verklegum æfingum, verkefnum og prófum
tengja undirstöðuþekkingu í líffræði við daglegt líf og umhverfi og sjá notagildi hennar ...sem er metið með... verklegum æfingum, verkefnum og prófum
afla sér frekari þekkingar á líffræðilegum viðfangsefnum ...sem er metið með... verkefnum
Reglulegt mat og próf. Verklegar æfingar, verkefnavinna og skýrslur. Einnig verður mat á virkni í tímum og vinnu utan kennslustunda.