Í áfanganum er lögð áhersla á að nemendur öðlist dýpri og sérhæfðari orðaforða en áður og geti nýtt sér hann í öllum færniþáttum tungumálsins. Þeir eiga að geta tjáð sig lipurlega bæði munnlega og skriflega. Nemendur fá þjálfun í að vinna sjálfstætt að verkefnum og eiga þeir að geta lagt mat á eigin vinnu. Nemendum er áfram veitt innsýn í danska menningu, sögu og siði.
DANS2SS05
Nemandi skal hafa öðlast þekkingu og skilning á:
danska menningarsvæðinu og hvernig danska nýtist á norræna menningarsvæðinu
ólíkum viðhorfum og gildum og hvernig þau móta danska menningu
orðaforða til undirbúnings náms á háskólastigi
helstu hefðum um uppsetningu og skipulag ritaðs máls
Nemandi skal hafa öðlast leikni í að:
skilja eðlilegt talað mál og algengustu orðasambönd sem einkenna það
lesa fjölbreytta texta og beita þeim lestraraðferðum sem við eiga
tjá sig munnlega um málefni sem hann hefur kynnt sér
rita margs konar texta, formlega og óformlega, og fylgja helstu reglum um málbeitingu
beita meginreglum danskrar málfræði og setningafræði
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál svo sem samræður og fjölmiðlaefni, inntak og annað tiltölulega flókið efni sem hann hefur kynnt sér
tileinka sér innihald ritaðs texta og nýta það á mismunandi hátt
lesa texta þar sem ákveðin viðhorf eða skoðanir eru kynnt og geta brugðist við og tjáð skoðanir sínar um efni þeirra
lesa á milli línanna og átta sig á dýpri merkingu texta
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.