Unnið verður með alla þætti íslenskunnar þar sem bókmenntir verða hafðar að leiðarljósi. Nemandinn fær tækifæri til að læra í gegnum bókmenntir og vinna með þær á fjölbreyttan hátt. Áhersla er á að nemandinn bæti orðaforða sinn í ræðu og/eða riti, efli sjálfstraust sitt og trú á eigin málfræðinotkun í máli og/eða riti. Einnig að nemandinn auki les- og/eða hlustunarskilning sinn og æfist í að skilgreina hugtök sem koma fram í texta. Notast verður við umræður, ígrundun og þjálfun nemanda í að tjá skoðanir sínar í gegnum uppbyggilegar samræður. Notast verður við aldursmiðaðar bókmenntir og fjölbreytt verkefni. Megin áhersla verður á að nemandinn viðhaldi og byggi ofan á þann grunn sem hann býr nú þegar að.
engar
Nemandi skal hafa öðlast þekkingu og skilning á:
aldursmiðuðum bókmenntum
uppbyggingu bóka
mikilvægi lestrar/hlustunar sem nýtist í daglegu lífi
innihaldi og söguþræði bókmennta
Nemandi skal hafa öðlast leikni í að:
nota og/eða tileinka sér nýjan orðaforða
lesa og/eða hlusta á mismunandi texta sér til gagns og gleði
tjá skoðanir sínar
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér bókmenntir í daglegu lífi til gagns og/eða gleði í hvaða formi sem er, t.d. ritaðar bækur, hljóðbækur og rafbækur
spyrja spurninga og hlusta á sjónarmið annarra af víðsýni
láta skoðanir sínar í ljós
auka sjálfstraust í ræðu og/eða riti
greina innihald og söguþráð
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.