Í áfanganum eru teknir fyrir valdir þættir mannkynssögu 20. aldar með áherslu á átök og áhrif þeirra á nútímasamfélagið. Áhersla er lögð á gagnrýna hugsun, heimildaleit, mat og notkun heimilda. Nemendur taka þátt og leggja sitt af mörkum í áfanganum með því að kafa dýpra í viðfangsefni sem fjallað er um. Skoðað er hvernig heimsmyndin breytist í gegnum átök og einnig hvernig Ísland breytist á 20. í ljósi heimsátaka.
SAGA2AK05
Nemandi skal hafa öðlast þekkingu og skilning á:
völdum þáttum Íslands og mannkynssögu 20. aldar
stöðu heimsmála frá aldamótunum 1900 til dagsins í dag og áhrifum nýlendustefnu og átaka á heimsmyndina
þeim breytingum sem hafa orðið í heimsmálum á síðastliðinni öld
því sem hefur haft áhrif og mótað samfélagið sem við búum í
mikilvægi söguskýringa á stöðu mála í heiminum í dag
mismunandi tegundum heimilda
mikilvægi gagnrýninnar hugsunar
Nemandi skal hafa öðlast leikni í að:
lesa texta og tileinka sér upplýsingar úr honum
tjá sig um söguna í riti á skipulegan hátt
afla sér fjölbreyttra heimilda um viðfangsefnið
meta heimildir og gildi þeirra
nýta heimildir á viðurkenndan hátt
beita sjálfstæðum vinnubrögðum
Nemandi skal geta hagnýtt þá almennu þekkingu og leikni sem hann hefur aflað sér til að:
geta tjáð sig á skýran og skilmerkilegan hátt í ræðu og riti
geta beitt gagnrýninni hugsun markvisst
móta sinn skilning á sögunni og áhrifum hennar á samfélagið sem við búum í
nýta sér söguna til að vera virkur og ábyrgur þátttakandi í lýðræðissamfélagi
geta komið skoðunum sínum á framfæri á rökstuddan og markvissan máta
Verkefnavinna, umræður, heimildavinna, hluta- og lokapróf.