Í áfanganum er fjallað um þróun grafískrar miðlunar, myndveruleika nútímans og það myndræna áreiti sem er hvarvetna í kring um okkur. Áhersla er á lesa í myndmálið og kanna hvaða áhrif myndir hafa á einstaklinga og samfélag.
FJÖL2FS05
Nemandi skal hafa öðlast þekkingu og skilning á:
undirstöðum fjölmiðlafræðinnar, sérstaklega þeirri byltingu sem myndvæðingin er
sögu grafískrar miðlunar, frá hellaristum til internetsins
myndinni sem slíkri, uppbyggingu hennar, t.d. í ljósmynd eða málverki
helstu áhrifaþáttum myndmálsins, þ.e. hvernig það virkar á áhorfendur
einum þætti myndmálsins sérstaklega, s.s. auglýsingum, málverkum eða kvikmyndum
Nemandi skal hafa öðlast leikni í að:
vinna með helstu grunnhugtök myndgreiningar
afla upplýsinga um myndmiðla og greina þá á fræðilegan hátt
geta sett fram helstu niðurstöður á skiljanlegan og markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um myndir og myndefni á gagnrýninn og fræðilegan máta í ræðu og riti
greina og túlka myndir og setja þær í félagslegt og sögulegt samhengi
setja fram helstu niðurstöður sínar á skiljanlegan og markvissan hátt
útskýra og rökstyðja á skýran hátt í ræðu og riti
deila þekkingu sinni með öðrum
vera meðvitaður og gagnrýninn á áhrif fjölmiðla á eigin ímynd og lífssýn
Umræður, rannsóknir og athuganir nemenda, lokaverkefni og opinber kynning eða birting á því.