Í áfanganum er unnið í anda mannfræðinnar með áherslu á femíníska mannfræði. Helstu hugtök fræðigreinarinnar mannfræði eru skoðuð í nútímasamfélagi og í sögulegu ljósi. Lögð er áhersla á menningu og áhrif hennar á stöðu kynjanna. Einnig er þróun femínískrar mannfræði skoðuð.
KYFR2IK05
Nemandi skal hafa öðlast þekkingu og skilning á:
hugtökum og kenningum í mannfræði
menningarmannfræði og aðferðum hennar við rannsóknir
stöðu kvenna og karla í tengslum við menningu
mismunandi birtingarmyndum kynjanna út frá áhrifum menningar
rannsóknum mannfræðinga á stöðu kynjanna á Íslandi
Nemandi skal hafa öðlast leikni í að:
horfa á heiminn og stöðu kynjanna út frá aðferðafræði mannfræðinnar
beita gagnrýninni hugsun, virkri hlustun og eigin tjáningu í rökræðum
lesa fræðitexta í mannfræði
tjá sig í ræðu og riti á skipulagðan og gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á áhrifum menningar á kyn og kyngerfi
vera gagnrýninn og ábyrgur þátttakandi í fjölmenningarsamfélagi
gera sér grein fyrir hvernig hann hefur áhrif á samfélagið
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni. Lokamat byggir á stærra verkefni nemenda.