Í áfanganum er fjallað um þroskaferil mannsins og sérstaklega tekinn fyrir þroski tilfinninga, félagslegra samskipta, hugsunar og greindar. Einnig er fjallað um þroskahamlanir og þær skoðaðar út frá líffræðilegu og sálfræðilegu sjónarhorni. Nemendur fá æfingu í að ræða um og velta fyrir sér álitamálum sem tengja má við efni áfangans. Mótunaráhrif fjölskyldu og vina eru skoðuð og komið er inn á vandamál barna og unglinga, s.s. geðræn, tilfinningaleg og náms- eða hegðunarvandamál.
SÁLF2IN05
Nemandi skal hafa öðlast þekkingu og skilning á:
sögulegum bakgrunni þroskasálfræðinnar og hugmyndum um bernsku
viðfangsefnum og helstu álitamálum þroskasálfræðinnar
helstu kenningarsmiðum á sviði þroskasálfræðinnar
helstu hugtökum innan þroskasálfræðinnar
framlagi þroskasálfræðinnar innan sálfræðinnar og til samfélagsins
þroskaferli mannsins
Nemandi skal hafa öðlast leikni í að:
meta hugmyndir og viðfangsefni þroskasálfræðinnar
tjá sig um sálfræðilegt efni í ræðu og riti
afla upplýsinga, greina þær og setja í fræðilegt samhengi
nýta fræðilegan texta um efnið á íslensku og erlendu tungumáli
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um mótunaráhrif uppeldis
geta tekið ákvarðanir á upplýstan og meðvitaðan hátt í samskiptum við aðra
tjá sig í ræðu og riti við mismunandi aðstæður
meta eigin frammistöðu og annarra á gagnrýninn hátt
Vinna nemenda í kennslustundum er metin, lögð eru fyrir einstaklings- og hópverkefni. Stutt próf á önninni og skriflegt lokapróf.