Umfjöllunarefni þessa áfanga er innan tímabils sem kennt er við nútíma, frá upplýsingaöld til líðandi stundar. Einstakir þættir svo sem lífskjör, menning, hugmyndir og stjórnmál verða sérstaklega teknir til umfjöllunar til þess að tengja sögulega þróun þeirra við núverandi menningu og samfélög á vesturlöndum. Leitast verður eftir því að tengja þessa umfjöllun við íslenskt samfélag til þess að nemendur öðlist skilning og yfirsýn á því hvernig söguleg þróun hefur mótað þann veruleika sem þau búa við í dag. Lögð verður áhersla á að vinna með gagnrýna hugsun nemenda gagnvart sögulegum heimildum og gefa þeim tækifæri til þess að vinna sjálfstætt með þær heimildir eftir viðurkenndum aðferðum.
5 fein. í sögu.
Nemandi skal hafa öðlast þekkingu og skilning á:
sérvöldum tímabilum nútímasögunnar með tilliti til einstakra sviða hennar svo sem: menningar, hugarfars, stjórnmála, einstaklinga, samfélags, tækni og vísinda
stöðu Íslands í samhengi við sögulega þróun Vesturlanda
gildi fjölbreyttra sjónarhorna og heimilda við ritun um söguleg viðfangsefni
aðferðum og reglum sem gilda um heimildaritgerðarsmíð
Nemandi skal hafa öðlast leikni í að:
meta gildi og áreiðanleika heimilda
vinna samkvæmt reglum um gerð heimildaritgerða
lesa og túlka texta, kort, töflur, gröf og myndir frá mismunandi tímaskeiðum
Nemandi skal geta hagnýtt þá almennu þekkingu og leikni sem hann hefur aflað sér til að:
meta söguleg fyrirbæri út frá forsendum hvers tíma og sjá tengsl þeirra við nútíma
leita að, greina og meta mismunandi sjónarmið um söguleg málefni
vinna með sögulegar heimildir og leggja á þær gagnrýnið mat
greina og móta sitt eigið álit á afmörkuðu sögulegu málefni eftir mismunandi heimildum
Námsmat er útfært í kennsluáætlun í samræmi við skólanámskrá.