Í áfanganum er fjallað um uppeldis- og menntunarfræði sem hagnýta fræðigrein. Lögð er áhersla á að efla skilning á mikilvægi uppeldis og menntunar í samfélaginu. Farið verður í nokkur vel valin viðfangsefni greinarinnar eins og sögu hennar, hugmyndir fræðimanna og grunnkenningar um þroskaferil mannsins og eðli menntunar. Nemendur eiga auk þess að kynna sér vel starfsemi og hugmyndafræði uppeldis- og menntastofnanna hér á landi.
Engar
Nemandi skal hafa öðlast þekkingu og skilning á:
gildi uppeldis og menntunar fyrir einstakling og samfélag
mismunandi viðhorfum og hvernig þau leiða til ólíkra hugmynda um gildi uppeldisaðferða
hugmyndafræði og uppeldisaðferðum nokkurra viðurkenndra uppeldisfræðinga
helstu þáttum í starfsemi uppeldis- og menntastofnana samfélagsins
Nemandi skal hafa öðlast leikni í að:
mynda sér eigin skoðun um uppeldi byggða á röksemdum úr uppeldis-og menntunarfræði
afla sér heimilda um viðfangsefni uppeldis- og menntunarfræðinnar
setja sig í spor fólks á mismunandi aldursskeiðum
greina áhrif utanaðkomandi þátta á uppeldi og menntun
fylgja viðurkenndu verklagi félagsvísinda við verkefnavinnu
Nemandi skal geta hagnýtt þá almennu þekkingu og leikni sem hann hefur aflað sér til að:
greina fjölbreytta mótunarþætti í uppeldi og menntun
greina og móta eigin hugmyndir um uppeldi og menntun byggðar á fræðilegum rökum
beita aðferðum félagsvísinda við viðfangsefni uppeldis- og menntunarfræðinnar
Námsmat er útfært í kennsluáætlun í samræmi við skólanámskrá.