Í þessum fyrsta áfanga í efnafræði er byrjað á því að láta nemendur vinna með hugtök og þekkingu úr grunnatriðum efnafræðinnar. Samtímis því eru nemendur þjálfaðir í þeim vinnubrögðum sem notuð eru í þessari grein. Nemendur vinna saman í hópum og lögð er áhersla á sjálfstæði og ábyrgð nemandans á eigin námsframvindu. Efnisþættir sem teknir verða fyrir í áfanganum eru: hrein efni og efnablöndur, eiginleikar efna, mælistærðir og tölur, markverðir tölustafir og óvissa, uppbygging atóma, jóna og sameinda, efnatákn og helstu efnabreytingar, lotukerfið, nafnakerfi ólífrænna efna, mólhugtakið, hlutföll í efnajöfnum, helstu tegundir efnabreytinga, styrkur lausna og þynningar, rafeindaskipan atóma og jóna.
5 einingar í stærðfræði á 2. þrepi.
Nemandi skal hafa öðlast þekkingu og skilning á:
meðferð og notkun talna í náttúruvísindum
uppbyggingu atóma, jóna og sameinda
efnatáknum og helstu tegundum efnabreytinga
mólhugtakinu
hlutföllum efna í efnajöfnum
mólstyrk efna í vatnslausn
rafeindaskipan atóma og jóna
Nemandi skal hafa öðlast leikni í að:
meðhöndla tölur og mælistærðir í efnafræði
nota lotukerfi og jónatöflu
setja upp efnajöfnu og stilla hana
beita mólhugtakinu og vinna með tengsl þess við hlutföll í efnajöfnum
skrifa rafeindaskipan atóma og nota hana til að spá fyrir um hleðslu jóna
nota gögn eins og lotukerfi, jónatöflur og aðrar töflur við lausn verkefna
meðhöndla efni og áhöld og framkvæma verklegar æfingar
setja fram niðurstöður verklegra æfinga
fylgja öryggisreglum á rannsóknarstofu
Nemandi skal geta hagnýtt þá almennu þekkingu og leikni sem hann hefur aflað sér til að:
lesa úr efnatáknum og efnajöfnum
gera sér grein fyrir samspili efnafræði, stærðfræði og annarra náttúrufræðigreina
meta hvort niðurstöður útreikninga og mælinga séu raunhæfar
útskýra og draga ályktanir út frá niðurstöðum verklegra æfinga
sjá notagildi efnafræðinnar í daglegu lífi og við tækniþróun samfélagsins
geta fylgst með og tekið þátt í upplýstri umræðu og mótað afstöðu til málefna er snerta vísindi, tækni og samfélag
vera læs á vísindafréttir sem tengjast sviði áfangans
Námsmat er útfært í kennsluáætlun í samræmi við skólanámskrá.