Áfanginn er bæði bóklegur og verklegur. Hann felur í sér markvissa fræðslu um líkams- og heilsurækt. Nemandinn kynnist fjölbreyttum aðferðum þol-, styrktar- og liðleikaþjálfunar. Lögð er áhersla á rétta líkamsbeitingu við æfingar að nemandi finni hreyfingu við sitt hæfi út frá getu og áhuga. Áfanginn miðar að markvissri fræðslu um forvarnagildi líkams- og heilsuræktar og hvatningu til heilbrigðari lífshátta.
Engar.
Nemandi skal hafa öðlast þekkingu og skilning á:
forsendum og áhrifum þjálfunar á líkama og heilsu
tengslum reglubundinnar líkamsræktar við heilbrigði
gildi upphitunar, úthalds-, styrktar- og liðleikaþjálfunar
leiðum til að nýta líkams- og heilsurækt í daglegum athöfnum
æfingum sem bæta líkamsstöðu og hvernig beita á líkamanum rétt
fjölbreytilegum aðferðum til heilsuræktar
mikilvægi andlegrar, félagslegrar og líkamlegrar vellíðunar
Nemandi skal hafa öðlast leikni í að:
auka úthald sitt, styrk og liðleika með fjölbreyttum aðferðum sem henta honum
stunda æfingar og hreyfingu sem stuðla að bættri líkamsbeitingu
stunda þjálfun og hreyfingu sem hefur áhrif á jákvæða upplifun og viðhorf til líkams- og heilsuræktar
nýta sér undirstöðuatriði líkamsbeitingar
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja jákvæða sjálfsmynd með þátttöku í almennri heilsurækt, leikjum og útiveru
nýta sér möguleika í að flétta reglubundna hreyfingu við daglegt líf og starf
nýta sér möguleika til heilsuræktar í nánasta umhverfi og úti í náttúrunni
Námsmat er útfært í kennsluáætlun í samræmi við skólanámskrá.