Í áfanganum er fjallað um næringu og mataræði og áhrif tóbaks og áfengis á líkamann. Fjallað er um hvað felst í hollri og góðri næringu með tilliti til bæði íþrótta og daglegs lífs. Þá verða nemendur fræddir um gildi heilbrigðs lífernis og skaðleg áhrif ýmissa efna á líkamann. Í áfanganum er lögð áhersla á verklega og fræðilega þætti tengda skipulagi þjálfunar þar sem nemendur fá að gera eigin þjálfunaráætlun. Farið er yfir helstu líffræðilegar forsendur þjálfunar, svo sem starfsemi vöðva, liða, tauga og blóðrásar. Nemendur fá fræðslu um gildi þess að lifa heilbrigðu lífi og eru hvattir til að tengja tölvu- og upplýsingatækni við skrásetningu upplýsinga og vinnu að eigin áætlanagerð.
Engar.
Nemandi skal hafa öðlast þekkingu og skilning á:
flokkun næringarefna í fæðunni
mismunandi áhrifum næringarefna og mataræðis á líkamann
skaðlegum áhrifum áfengis, tóbaks og annarra vímuefna á líkamann
Nemandi skal hafa öðlast leikni í að:
meta eigin líkamsástand
skipuleggja sína eigin þjálfun byggða á getu sinni og áhuga
meta næringagildi helstu matvæla
Nemandi skal geta hagnýtt þá almennu þekkingu og leikni sem hann hefur aflað sér til að:
skilja gildi heilbrigðs lífernis og skaðleg áhrif ýmissa efna á líkamann
skilja gildi fjölbreyttrar næringar og áhrif tóbaks og áfengis á líkamann
nýta sér eigin þekkingu til að móta og framkvæma eigin þjálfunaráætlun
nýta sér upplýsingatækni við áætlanagerð í líkams- og heilsurækt og mat á eigin líkamsástandi
Námsmat er útfært í kennsluáætlun í samræmi við skólanámskrá.