Í þessum áfanga er gerð grein fyrir grunninntaki lífeðlisfræði og fjallað almennt um líkamsstarfsemi lífvera með megináherslu á lífeðlisfræði mannslíkamans. Skoðuð er innri starfsemi frumna og hlutverk frumulíffæra skilgreind. Fjallað er um boðflutning um bæði hormónakerfið og taugakerfið. Blóðrás og önnur flutningskerfi eru einnig skoðuð sem og varnarkerfi, úrgangslosunarkerfi, næringarnám og melting. Farið er í stoðkerfi og hreyfingu, skynjun, æxlun og fósturþroskun. Fjallað er um hvert líffærakerfi fyrir sig með megináherslu á byggingu þeirra og virkni í mannslíkamanum, einnig eru þau borin saman við líffærakerfa annarra lífvera eftir því sem við á. Fjallað er um heilbrigða starfsemi líkamans sem og algeng frávik eða sjúkdóma. Lögð er áhersla á að nemendur öðlist þekkingu og skilning á starfsemi eigin líkama og geti tekið frekari ábyrgð á lifnaðarháttum sínum og viðhaldið heilbrigði sínu . Auk þess að tengja lífeðlisfræðina daglegu lífi nemenda eru þeir undirbúnir fyrir frekara nám í lífeðlisfræði og skyldum greinum.
5 einingar á 2. þrepi í líffræði.
Nemandi skal hafa öðlast þekkingu og skilning á:
frumulífeðlisfræði
eðli taugaboða og starfsemi taugakerfis
eðli hormóna og starfsemi innkirtlakerfis
uppbyggingu, hlutverki, virkni og stjórnun mismunandi líffærakerfa
samhæfingu og stjórnun líffærakerfa
mismunandi skynfærum
varnarkerfum mannslíkamans
úrgangslosun og efnastjórn
æxlunarkerfi og fósturþroska
Nemandi skal hafa öðlast leikni í að:
beita grunnhugtökum lífeðlisfræðinnar á skilmerkilegan hátt og í rökrænu samhengi
lesa lífeðlisfræðilegar upplýsingar úr máli og myndum