Áfanginn fjallar um hvernig einstaklingar skynja aðra, hafa áhrif á þá og tengjast þeim. Einkum eru rannsökuð gagnkvæm áhrif hópa og einstaklinga á hver annan. Kynntar eru þekktar tilraunir í félagssálfræði. Einnig verður fjallað um aðrar grundvallarkenningar og tilraunir í sálfræði t.a.m. tengt auglýsingasálfræði, vinnusálfræði persónuleikasálfræði og afbrotasálfræði.
FÉLV2AF03 eða ÍSLE2MG05
Nemandi skal hafa öðlast þekkingu og skilning á:
grundvallarhugmyndum félagssálfræðinnar
víðfeðmi og hagnýtu gildi sálfræðinnar
leiðum sálfræðinnar til að útskýra hugsun, hegðun og tilfinningar manneskjunnar
mótunaröflum einstaklinga og hópa
Nemandi skal hafa öðlast leikni í að:
lesa í og skilja umfjöllun um helstu hugmyndir félagssálfræðinnar
beita algengustu hugtökum á skýran hátt
skoða sína eigin hegðun og annarra út frá grundvallarhugtökum greinanna
tjá kunnáttu sína á munnlegan og skriflegan hátt
nota APA kerfið við skrif heimildaritgerða og verkefna
tjá sig skipulega og gagnrýn hátt um einstaka efnisþætti
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir mótunaráhrifum umhverfis á sjálfan sig og aðra ...sem er metið með... verkefnum,prófum og munnlegri framsögn
gera sér grein fyrir samspili hegðunar, hugsunar og tilfinninga ...sem er metið með... verkefnum,prófum og munnlegri framsögn
geta með einföldum hætti yfirfært sálfræðilega þekkingu á eigin sjálfsmynd ...sem er metið með... verkefnum,prófum og munnlegri framsögn
Í áfanganum verður lokapróf. Einnig verða hlutapróf á önninni. Nemendur munu vinna verkefni bæði skrifleg og munnleg.