Meginviðfangsefni áfangans er að kynna fyrir nemendum undirstöðuatriði markaðskannana, tilhögun og framkvæmd markaðsrannsókna. Farið er í gagnasöfnun, gagnagreiningu og úrvinnslu. Unnin er markaðsrannsókn fyrir fyrirtæki. Lögð er áhersla á vandaða skýrslugerð nemenda og að þeir kynni niðurstöður sínar viðeigandi aðilum.
MARK2AM05
Nemandi skal hafa öðlast þekkingu og skilning á:
markaðsrannsókn bæði eigindlegum og megindlegum
úrtaksaðferðum og helstu mælikvörðum sem notaðir eru í spurningarlistum
kostum og göllum helstu tegunda kannana
Nemandi skal hafa öðlast leikni í að:
framkvæma markaðsrannsókn, bæði eigindlega og megindlega
gera rannsóknaráætlun
gera vandaðan spurningalista
nýta sér netið við gerð markaðsrannsókna
gera vandaða lokaskýrslu og kynna hana viðeigandi aðilum
hagnýta sér SPSS eða sambærilegan hugbúnað við úrvinnslu gagna
Nemandi skal geta hagnýtt þá almennu þekkingu og leikni sem hann hefur aflað sér til að:
geta unnið markaðsrannsókn frá upphafi til enda ...sem er metið með... verkefnum
Símat: Einstaklings- og hópvinnuverkefni, markaðsrannsókn. Námsástundun og virkni í tímum er metin.