Farið er í innræn og útræn öfl með sérstakri áherslu á jarðfræði Íslands. Flekarek og heitir reitir, jarðskjálftar og brotalínur, landmótun jökla og vatnsfalla. Farið er í mismunandi gerðir eldvirkni, mismunandi kvikugerðir og storkubergsmyndanir. Eðli og uppruni mismunandi steinda er skýrður þar sem sérstaklega er fjallað um þær steindir sem helst finnast í íslensku storkubergi. Að lokum er farið í helstu undirstöðuatriði kortagerðar.
Engar.
Nemandi skal hafa öðlast þekkingu og skilning á:
grundvallaratriðum í jarðfræði Íslands.
mismunandi berggerðum Íslands.
helstu steindum í íslensku bergi, bæði frumsteindum og holufyllingum.
helstu gerðum landmótunar eins og jökulrákum, grettistökum, jökulruðningum og alpalandslagi.
helstu gerðum eldstöðva og mismunandi eldvirkni þeirra.
undirstöðuatriðum jarðfræðikortagerðar.
Nemandi skal hafa öðlast leikni í að:
lesa jarðfræðikort og loftmyndir.
greina gjóskulög í íslenskum jarðvegi.
geta beitt algengustu hugtökum jarðfræðinnar og skýrt myndun og gerð landsins.
greina muninn á eldkeilum, dyngjum og móbergsstöpum.
greina mismunandi gerðir vatnsfalla úr frá lögun og gerð þeirra.
greina í sundur háhita- og lághitasvæði.
útskýra myndun mismunandi landsvæða af völdum innrænna og útrænna afla.
gera grein fyrir mismunandi landmótun vatnsfalla og jökla á Íslandi.
afla sér heimilda um jarðfræðileg viðfangsefni.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja sjálfstætt mat á jarðfræðilegar upplýsingar.
hafa skilning á umhverfi sínu og geti beitt lögmálum jarðfræðinnar til að þekkja uppruna landslags á Íslandi.
ná sér í upplýsingar, sem hann getur lagt vísindalegt mat á og miðlað þeim til annarra.