Líffræði sem snertir daglegt líf manna. Fjallað verður um líffræði sem fræðigrein, einkenni lífvera, örverur, sníkjudýr, sjúkdóma, næringarfræði og æxlun lífvera.
Engar.
Nemandi skal hafa öðlast þekkingu og skilning á:
helstu einkennum lífvera.
byggingu og starfsemi örvera (veira, baktería, frumdýra og sveppa).
samspili örvera við aðrar lífverur í náttúrunni.
notagildi örvera og skaðsemi þeirra.
helstu sjúkdómum í mönnum, orsökum þeirra og vörnum gegn þeim.
undirstöðu í næringarfræði.
æxlun lífvera, bæði kynæxlun og kynlausri.
Nemandi skal hafa öðlast leikni í að:
þekkja muninn á ólíkum örverum og gera grein fyrir gagnsemi, nytsemi og skaðsemi þeirra í náttúrunni.
lesa texta um líffræðileg málefni á netinu og í bókum og nýta þær til að leysa verkefni.
nota smásjár og víðsjár.
greina lífverur eftir greiningarlyklum.
Nemandi skal geta hagnýtt þá almennu þekkingu og leikni sem hann hefur aflað sér til að:
lifa heilbrigðu líferni.
velja sér getnaðarvarnir.
koma í veg fyrir að matvæli skemmist af völdum örvera og komast hjá matarsýkingum.
greina einkenni ýmissa sjúkdóma af völdum örvera , sníkudýra og næringaskorts. Þekkja forvarnir og meðhöndlun sjúkdóma.
velja sér holla og næringaríka fæðu og forðast óhóf.