Markmið námskeiðsins er að efla og styrkja vitund þátttakenda á heilsusamlegu líferni, andlegu, líkamlegu, og félagslegu. Kynnt verða helstu atriði og/eða tillögur um samnorrænar ráðleggingar í tengslum við mataræði og fyrirbyggingu sjúkdóma. Áfanganum er skipt í fyrirlestra og verklegar kynningar, farið verður yfir heilsuvernd og hreyfingu, s.s. fjallaskíði, gönguskíði, fjallamennsku og svigskíði. Í áfanganum er reynt að stuðla að því að nemendur verði meðvitaðir um helstu áhrifavalda sem snerta heilsusamlegt líferni, hvað hefur áhrif á þá andlega, líkamlega og félagslega.
Engar
Nemandi skal hafa öðlast þekkingu og skilning á:
tengslum heilsuverndar og hreyfingar
tillögum um samnorrænar ráðleggingar í tengslum við matarræði og fyrirbyggingu sjúkdóma
hvernig hreyfing ýtir undir heilsusamlegt líferni bæði andlegt, líkamlegt og félagslegt
Nemandi skal hafa öðlast leikni í að:
stunda skíðamennsku sér til heilsubótar
gera sér grein fyrir helstu áhrifavöldum á andlegt, líkamlegt og félagslegt líferni hans
Nemandi skal geta hagnýtt þá almennu þekkingu og leikni sem hann hefur aflað sér til að:
stunda heilsusamlegt líferni og hugsa vel um sig bæði andlega, líkamlega og félagslega
stunda skíðamennsku sér til heilsubótar og hressingar
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.