Áfanginn miðar að því að virkja fyrir sköpunarkraft nemenda og gera þá óhrædda við að prófa, framkvæma og þróa hugmyndir sínar án þess að hræðast útkomuna. Áhersla er lögð á tilraunavinnu þar sem nemendur vinna í og með ólík efni og miðla. Nemendur gera tilraunir með margvíslegan óhefðbundinn efnivið þar sem þeir leitast við að finna óvæntar og skapandi leiðir til úrlausnar. Í áfanganum eiga nemendur að sýnt frumkvæði og skapandi nálgun í verkefnum sínum og beita viðeigandi aðferðum við útfærslu verka sinna. Kennslan er einstaklingsbundin og miðar að því að styðja nemendur til að takast á við fjölbreytt og krefjandi verkefni og þróa úrlausnir við hæfi.
A.m.k. 5 einingar í eigin listgrein á 2. þrepi
Nemandi skal hafa öðlast þekkingu og skilning á:
möguleikum lista til verðmætasköpunar
mismunandi miðlum sem hægt er að nota í listsköpun
konsept hugsun
vinnuumhverfi, vinnutækjum og áhöldum við hæfi
skapandi hugsun og hugflæði
hugmyndafræði sjálfbærrar þróunar
fjölbreyttum miðlum sem hægt er að nýta við listsköpun
Nemandi skal hafa öðlast leikni í að:
beita skapandi hugsun
nýta mismunandi miðla við listsköpun
tjá sig um eigin sköpun
nýta sér hugarflæði í hugmyndavinnu
leysa úr viðfangsefnum einn eða í samstarfi við aðra
skiptast á skoðunum og setja fram hugmyndir sínar og bregðast við viðmælendum
beita mismunandi miðlunarleiðum í sköpun sinni og rökstyðja val sitt
að tjá sig um eigin listsköpun og sýna hana
að meta eigið vinnuframlag
Nemandi skal geta hagnýtt þá almennu þekkingu og leikni sem hann hefur aflað sér til að:
vera skapandi í hugsun
skapa verk byggt á eigin listrænum styrk
skilgreina eigin verk
vera meðvitaður um menningarlegt hlutverk listsköpunar
fullvinna hugmyndir
kynna eigin verk og geta brugðist við og tjáð skoðanir sínar um verk annara
tjá sig hiklaust og taka þátt í samræðum um myndlist við ólíka viðmælendur
leysa úr viðfangsefnum einn eða í samstarfi við aðra
standa að sýningu þar sem nemandinn miðlar verkum sínum
þróa með sér aga, metnað, ábyrgð og jákvæðni í vinnubrögðum
meta eigið vinnuframlag
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.