Þetta námskeið er fyrir þá sem vilja kynna sér hlutverk og starf þess er starfar við tölvuviðgerðir og fá upplýsingar um hvað felst í starfi kerfisstjóra.
Eftir námskeiðið eiga nemendur að geta gert sér grein fyrir hvernig tölvur og tölvukerfi eru uppfærð, bilanagreind og hvernig unnið er að viðgerðum á tölvubúnaði. Einnig á nemandinn að fá innsýn í hvernig Windows-stýrikerfi er sett upp og hlutverk netkerfa. Farið verður í heimsókn til fyrirtækja í tölvugeiranum. Að loknum áfanganum eiga nemendur að vera færir um að verða sér úti um frekari þekkingu upp á eigin spýtur. Nemendur eru hvattir til að koma með sínar eigin borðtölvur til yfirferðar og hreinsunar.
Engar
Nemandi skal hafa öðlast þekkingu og skilning á:
virkni vélbúnaðar, td. móðurborði, örgjörva, aflgjafa, harðra diska og skjákorta
uppsetningu og viðhaldi á Windows-stýrikerfi
bilanagreiningu í stýrikerfi, bilanagreiningu vélbúnaðar og lausn vandamála
BIOS, CMOS og reklar
jaðartækjum, s.s. skjáum og prenturum
netkerfum, þar á meðal netbúnaði, stöðlum og Windows domain
hugbúnaði og vefsíðum sem gott er að þekkja
öryggismálum og vönduðum vinnubrögðum
Nemandi skal hafa öðlast leikni í að:
skilja vélbúnað, td. móðurborð, örgjörva, aflgjafa, harða diska og skjákort
setja upp og viðhalda Windows-stýrikerfi
beita bilanagreiningu, finna lausn vandamála og vinna að viðgerðum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja vélbúnaðinn sem hann hefur fyrir framan sig
setja upp og viðhalda Windows-stýrikerfi
skilja hvernig tölvur og tölvukerfi eru uppfærð og bilanagreind
skilja hvernig unnið er að viðgerðum á tölvubúnaði
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.