Það kom upp villa
senda inn
Áfangi
Áfangi Nánari upplýsingar
Kvennabókmenntir
Í áfanganum er skyggnst inn í sögu kvennabókmennta. Lesnar eru skáldsögur, smásögur og ljóð eftir konur.
Tveir áfangar á 2. þrepi.
Nemandi skal hafa öðlast þekkingu og skilning á:
- inntaki og einkennum þeirra verka sem lesin eru
- ritgerðarsmíð og heimildavinnu
- orðaforða sem nægir til að lesa helstu verk íslenskrar bókmenntasögu
- mismunandi tegundum bókmennta sem konur hafa skrifað
- helstu bókmenntahugtökum
Nemandi skal hafa öðlast leikni í að:
- skrifa ritgerðir þar sem hann beitir gagnrýninni hugsun við úrvinnslu og kemur efninu á framfæri á skýran og vandaðan hátt í blæbrigðaríku máli
- ganga frá texta til birtingar
- nýta sér uppbyggilega gagnrýni annarra
- skilja og nota viðeigandi stílbrögð og menningarlegar vísanir í tal- og ritmáli
- nýta eigin sköpunargáfu
- sýna sjálfstæði í vinnubrögðum
- skilgreina lykilhugtök
- greina mismunandi sjónarmið
Nemandi skal geta hagnýtt þá almennu þekkingu og leikni sem hann hefur aflað sér til að:
- túlka og bera saman bókmenntaverk og setja þau í sögulegt samhengi
- skrifa skýran og vel uppbyggðan texta
- velja ritstíl eftir aðstæðum og viðtakendum
- leggja mat á og efla eigin málfærni
- tjá rökstudda afstöðu og geta tekið virkan þátt í umræðum
- beita gagnrýninni hugsun við lesturinn
- greina dulinn boðskap og hugmyndir
- átta sig á samfélagslegum skírskotunum
- sýna siðferðisvitund og víðsýni í málflutningi
Símat/leiðsagnarmat þar sem byggt er á fjölbreyttu námsmati.