Áfanginn byggir á að gerður sé samningur milli nemanda, vinnustaðar og skóla um tilhögun námsins. Miðað er við 15 tíma vinnu á viku auk 2ja til 3ja tíma utan vinnustaðar við verkefnavinnu, dagbókarskrif og samráðsfundi. Áhersla er á að nemandi læri að vinna undir leiðsögn en tileinki sér jafnframt sjálfstæð og öguð vinnubrögð og fái um leið góða yfirsýn á það sem fram fer á vinnustaðnum. Nemendur sem eru í starfi, meðfram námi, hafa tök á að ljúka áfanganum.
VINS2FS15
Nemandi skal hafa öðlast þekkingu og skilning á:
eðli og umfangi í rekstri fyrirtækisins
verkferlum sem eru í gangi
starfsmannahaldi á vinnustaðnum
stjórnun á vinnustaðnum
Nemandi skal hafa öðlast leikni í að:
setja sér raunhæf markmið varðandi nám og störf
setja sig inn í mismunandi starfssvið innan fyrirtækis
átta sig á hvar þurfi að gera betur til að verkferlar gangi upp
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt á sínu verksviði án stýringar
leggja fram virka aðstoð sína svo verkferlar gangi betur upp
taka ábyrgð á tilteknu verksviði
Dagbókarskil á tveggja vikna fresti alla önnina auk skriflegra verkefna. Ekki er mæting í kennslustundir en viðtöl á milli nemanda og kennara eiga sér stað þrisvar sinnum yfir önnina og skulu þau fara fram á vinnustað nemenda. Einnig þarf að skila starfsvottorði í lok annar undirrituðu af vinnuveitanda.