Í þessum áfanga eru undirstöðuatriði ensku rifjuð upp í þeim tilgangi að nemandi geti tekist á við áframhaldandi nám í ensku á framhaldsskólastigi. Markvisst er unnið með málfræði og orðaforða. Áhersla er lögð á lestur og lesa nemendur bæði einfaldra bókmenntatexta og texta almenns eðlis. Skilningur á töluðu máli er þjálfaður með hlustun á rauntexta. Nemendur eru þjálfaðir í að tjá sig með viðeigandi orðalagi um margvísleg málefni á ensku. Ritun er þjálfuð með fjölbreyttum æfingum þar sem áhersla er lögð á að skrifa texta á skipulegan hátt eftir viðeigandi reglum.
Grunnskólapróf
Nemandi skal hafa öðlast þekkingu og skilning á:
grunnreglum enskrar málfræði, s.s. muninum á ákveðnum og óákveðnum greini, eintölu og fleirtölu nafnorða, stigbreytingu lýsingarorða, beygingu reglulegra og óreglulegra sagna, eignarfalli nafnorða og notkun fornafna
meginreglum málnotkunar og hefðum varðandi uppbyggingu og samhengi texta
algengum orðaforða
stafsetningu algengra orða
helstu málsvæðum enskrar tungu.
Nemandi skal hafa öðlast leikni í að:
beita grunnreglum enskrar málfræði í tali og ritun
skrifa stuttan samfelldan texta þar sem meginreglum málnotkunar og hefðum varðandi uppbyggingu og samhengi texta er fylgt
hlusta eftir upplýsingum, bæði í samtali, útvarps- og sjónvarpsefni
fylgja eftir og taka þátt í einföldum samræðum
tjá sig munnlega og skriflega um ýmis málefni með viðeigandi orðalagi
lesa og skilja einfalda bókmenntatexta.
Nemandi skal geta hagnýtt þá almennu þekkingu og leikni sem hann hefur aflað sér til að:
segja frá og taka þátt í einföldum umræðum á ensku ...sem er metið með... munnlegum verkefnum og/eða prófum
draga upplýsingar úr töluðu og rituðu máli og hagnýta sér ...sem er metið með... hlustunarverkefnum og ýmiss konar skriflegum verkefnum og/eða prófum
lesa og skilja rauntexta og einfalda bókmenntatexta ...sem er metið með... ýmiss konar verkefnum og/eða prófum
skrifa texta þar sem helstu málfræðireglum og hefðum varðandi uppbyggingu og samhengi texta er fylgt ...sem er metið með... ýmiss konar ritunarverkefnum og/eða prófum.
Í áfanganum er gert ráð fyrir leiðsagnarmati sem felst í því að nemandinn fái með skipulegum og reglulegum hætti upplýsingar frá kennara um hvernig hann stendur í náminu. Meðal námsmatsþátta eru ýmiss konar verkefni (bæði einstaklings- og hópverkefni, munnleg verkefni og skrifleg), tímaritgerð, hlustunaræfingar auk munnlegra og skriflegra prófa.