Í áfanganum læra nemendur um gildi frístundastarfs fyrir börn og ungmenni. Fjallað verður um tækifæri til formlegs og óformlegs uppeldis og menntastarfs í tengslum við frítímafræði. Hvernig hægt er að virkja samfélagshópa sem af ýmsum ástæðum taka ekki þátt í hefðbundnu frístundastarfi. Fjallað verður um jafnrétti m.t.t. stéttar, kyngervis, kynþáttar og fötlunar. Gerð er grein fyrir frístundastarfi í forvarna- eða endurhæfingarskyni. Farið er yfir þætti sem einkenna viðfangsefni í starfi með sérhópa og áhættuhópa og þær ólíku þarfir og óskir sem taka verður mið af. Kennt er um gildi og aðferðafræði í hópastarfi út frá forvörnum og lýðheilsu. Gerð er grein fyrir einkennum og algengustu orsökum félagslegrar einangrunar og áhrifum hennar á einstaklinga og samfélagshópa, blöndun sem aðferð í hópastarfi, íhlutun og meðferð.
Nemandi skal hafa öðlast þekkingu og skilning á:
gildi frístundastarfs fyrir börn og ungmenni.
hvernig hægt er að hagnýta frítímafræði til uppeldis og menntastarfs.
fjölbreytileika og jöfnum tækifærum fyrir alla.
þeim samfélagshópum sem ekki taka þátt í hefðbundnu frístundastarfi, einkennum þeirra og sérstöðu með hliðsjón af lögum og sértækri þjónustu.
frístundastarfi í forvarna- og endurhæfingarskyni.
helstu hindrunum fyrir þátttöku í frístundastarfi, s.s. félagslegri einangrun.
blöndun, íhlutun og meðferð í hópastarfi í sér- og áhættuhópum.
Nemandi skal hafa öðlast leikni í að:
ræða og greina leiðir við uppsetningu frístundastarfs fyrir börn og ungmenni út frá fjölbreyttum markmiðum.
finna leiðir til að setja upp fjölbreytt frístundastarf með jafnrétti að leiðarljósi.
afla upplýsinga um frístundastarf sem stendur börnum og ungmennum til boða.
skipuleggja mismunandi frístundastarf í forvarna- og endurhæfingarskyni.
sjá leiðir fram hjá hindrunum í tengslum við frístundastarf.
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp viðfangsefni í frístundastarfi sem metið er með verkefni og kynningu.
skipuleggja frístundastarf út frá jöfnum tækifærum og fjölbreyttum markmiðum sem metið er með leiðsagnarmati, umræðum og verkefni. • gera grein fyrir þeim sér- og áhættuhópum
samfélaginu sem ekki taka þátt í hefðbundnu félagsstarfi á vettvangi frímtímans sem metið er með skriflegum verkefnum, kynningum og prófi.
setja fram kynningarefni um félagsstarf í frítíma fyrir börn og ungmenni sem metið er með jafningjamati og kynningu.
gera áætlun um frístundastarf í forvarna- og endurhæfingarskyni sem metið er með áætlun.
örva frístundastarf meðal einangraðra samfélagshópa sem metið er með áætlunum og kynningu.
búa til áætlanir um frístundastarf fyrir mismunandi sér- og áhættuhópa sem metið er með umræðum og verkefni.
Próf og mat á verkefnum sem m.a. eru fólgin í áætlanagerð og kynningum.