Í áfanganum er fjallað um samskipti í ferða-, hótel- og veitingagreinum. Rætt verður um þjónustuhugtakið og grunnþætti góðrar þjónustu og hvernig byggja megi upp og viðhalda traustu sambandi á vinnustað og í samskiptum við viðskiptavini/ferðamenn/gesti. Nemandinn fær þjálfun í að takast á við vandamál sem kunna að koma upp og leita lausna. Þá er farið yfir viðbrögð við kvörtunum viðskiptavina/ferðamanna/gesta, mikilvægi sjálfstrausts í þjónustu og þjónustulund. Sérstök áhersla er lögð á framkomu, snyrtimennsku, gagnkvæma virðingu og umburðarlyndi og mikilvægi þessara þátta í allri þjónustu. Lögð er áhersla á að rækta það besta í nemandanum og hann hvattur til virkni og þátttöku í skólastarfinu.
engar
Nemandi skal hafa öðlast þekkingu og skilning á:
grundvallaratriðum samskipta og góðrar þjónustu
hvernig byggja megi upp traust samband við viðskiptavini/gesti/ferðamenn og samstarfsfélaga
hvernig viðhalda megi traustu sambandi við viðskiptavini/ferðamenn/gesti
mikilvægi góðrar framkomu og snyrtimennsku
Nemandi skal hafa öðlast leikni í að:
skilja mismunandi þarfir viðskiptavina
beita lausnum á vandamál sem upp geta komið
takast á við kvartanir viðskiptavina/gesta/ferðamanna
byggja upp og viðhalda traustu sambandi
Nemandi skal geta hagnýtt þá almennu þekkingu og leikni sem hann hefur aflað sér til að:
takast á við ólíkar uppákomur og aðstæður á vinnustað á viðeigandi hátt
eiga skýr og jákvæð samskipti við samstarfsfélaga og viðskiptavini/ferðamenn/gesti
taka rökstudda afstöðu til álitamála sem upp geta komið í samskiptum við viðskiptavini/ferðamenn/gesti
skilja sérstöðu starfa í ferða-, hótel- og veitingagreinum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.