Nemandinn fær kynningu á starfi framreiðslu- og matreiðslumannsins, réttindum og skyldum, forsendum starfsins og við hvaða aðstæður störfin fara fram. Nemandinn kynnist umfangi starfa og hve stór þáttur samskipti við gesti eru. Farið er yfir innkaup á hráefni til matargerðar og öðrum aðföngum, ásamt kynningu og verklegri þjálfun í helstu þáttum starfa í ferða- og matvælagreinum. Nemandinn þjálfast í notkun helstu áhalda við matargerð, fær þjálfun í að elda mat og reiða fram. Lögð er áhersla á persónulegt hreinlæti skv. HACCP skilgreiningum, samvinnu og samskiptahæfni.
engar
Nemandi skal hafa öðlast þekkingu og skilning á:
grunnverkun á fiski, beinhreinsun og roðflettingu
starfi framreiðslu- og matreiðslumanna og því umhverfi sem störfin fara fram í
persónulegu hreinlæti og gildi þess í matvælagreinum
hvað felst í störfum framreiðslu- og matreiðslumanna og möguleikum sem þau bjóða upp á til frekari starfa
áhöldum og tækjum sem notuð eru í ferða- og matvælagreinunum og notkunarmöguleikum þeirra
góðum siðum er varða umgengni við gesti og samstarfsfólk
grunnþáttum í framreiðslu mismunandi rétta á veitingastað
grunnþáttum í eldun einfaldra rétta í samræmi við verklagsreglur
notkun uppskrifta og uppskriftabóka í matreiðslu
innkaupum matvara og annarra aðfanga
Nemandi skal hafa öðlast leikni í að:
leggja lín á borð og brjóta munnþurrkur
vinna einföld verkefni í framreiðslu og matreiðslu
umgangast tæki sem notuð eru í veitingasal, eldhúsum veitingastaða og kunna rétta notkun þeirra
nota mismunandi hnífa við störf í matreiðslu
matreiða súpur og sósur frá grunni
raða mat á matarfat og diska eftir réttum faglegum hefðum
binda upp kjöt fyrir steikingu
umgangast gesti og samstarfsfólk við störf í matvælagreinum
leita hagstæðra innkaupa á matvörum
þekkja réttindi og skyldur starfsmanna á vinnustað
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér frekari þekkingar í ferða- og matvælagreinum
vinna einföld grunnstörf í framreiðslu og matreiðslu
skilja til hvers er ætlast í störfum framreiðslu- og matreiðslufólks
vinna með helstu áhöld og tæki sem notuð eru við störf í framreiðslu og matreiðslu
nýta þekkingu sína til að reikna út hráefnismagn og gera hagkvæm innkaup
gæta að eigin hreinlæti og því hreinlæti sem kröfur eru gerðar um í matvælagreinum, (HACCP)
skilja hlutverk fyrirtækja gagnvart starfsmönnum m.t.t. kjaramála
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.