Almennur verslunarreikningur sem felst í uppsetningum á jöfnum, skiptireikningi, hlutfallareikningi. Þá er prósentureikningur og vaxtareikningur megin viðfangsefni áfangans. Einnig er farið í gengi gjaldmiðla og greiðslur af lánum með jöfnum afborgunum. Nemandinn fær æfingu í notkun reiknivéla og töflureiknis og lærir hagnýtar reikniaðgerðir.
engar
Nemandi skal hafa öðlast þekkingu og skilning á:
reiknivélinni og möguleikum hennar
töflureikni og notagildi hans
jöfnureikningi
hlutföllum og skiptireikningi
almennum verslunar-, prósentu- og vaxtareikningi
gengi gjaldmiðla og verði á gjaldeyri
útreikningi á vöxtum og afborgunum
Nemandi skal hafa öðlast leikni í að:
nota reiknivélar og töflureikni
leysa jöfnur með einni óþekktri stærð
reikna út hluti, hlutföll, einingaskipti og prósentur
reikna út innkaupsverð og söluverð, álagningu, afslátt og virðisaukaskatt
reikna út vaxtaupphæð, höfuðstól og vaxtaprósentu
reikna út breytingar á gengi og verði gjaldmiðla
reikna út vexti og afborganir einföldustu gerða skuldabréfa
Nemandi skal geta hagnýtt þá almennu þekkingu og leikni sem hann hefur aflað sér til að:
annast útreikninga sem varða fjármál heimilisins
annast einfalda útreikninga sem varða fjármál fyrirtækja
meta hagkvæmni lána
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.