Áfanginn er verkefnaáfangi sem byggir á að nemandi gerir eitt lokaverkefni þar sem eigindlegar rannsóknaraðferðir innan mannvísinda eru í fyrirrúmi. Nemendum eru kynntar þáttökuathuganir, vettvangslýsingar, viðtalsaðferð, rýnihópar og heimildarýni. Nemandi velur sér rannsóknarefni og nýtir eina af ofantöldum rannsóknaraðferðum í vinnu sinni. Nemendur vinna undir verkstjórn kennara á sjálfstæðan hátt sem krefst frumkvæðis, sköpunar og ábyrgðar og skila í lok annar lokaafurð í formi skýrslu/ritgerðar og kynna fyrir samnemendum sínum.
130 einingar á stúdentsbraut.
Nemandi skal hafa öðlast þekkingu og skilning á:
helstu hugtökum sem tengjast eigindlegum rannsóknaraðferðum.
helstu verkferlum við beitingu eigindlegrar rannsóknaraðferðar.
Nemandi skal hafa öðlast leikni í að:
greina á milli ólíkra rannsóknaraðferða og beita í það minnsta einni þeirra.
miðla þekkingu sinni á kenningum og rannsóknum.
setja fram rannsóknarspurningar og tilgátur um rannsóknarefni að eigin vali.
Nemandi skal geta hagnýtt þá almennu þekkingu og leikni sem hann hefur aflað sér til að:
tengja eigindlega rannsóknarhefð við helstu kenningarnar ...sem er metið með... lokaverkefni.
framkvæma eigindlega rannsókn á viðfangsefni að eigin vali ...sem er metið með... lokaverkefni.
kynna rannsóknarniðurstöður sínar á viðeigandi hátt ...sem er metið með... lokaverkefni.
sýna sjálfstæði í vinnubrögðum, draga ályktanir af rannsóknarniðurstöðum sínum og rökstyðja skoðanir sínar ...sem er metið með... lokaverkefni
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggir á lokaverkefni sem nemandi vinnur á önninni undir verkstjórn kennara.