Fjallað er um rannsóknarsnið, helstu gagnaöflunaraðferðir og tölfræði. Nemendur eiga að gera eigin rannsókn og þjálfast í tölfræðilegri úrvinnslu gagna og kynnast helstu vandamálum samfara því að gera félagsfræðilega rannsókn. Þá eru kenndir helstu þættir í lýsandi tölfræði, myndrænni framsetningu gagna og einfaldri framsetningu á niðurstöðum. Nemendur eiga að geta nýtt sér líkindareikning og einföld tölfræðipróf við úrvinnslu gagna. Nemendur vinna undir verkstjórn kennara á sjálfstæðan hátt sem krefst frumkvæðis, sköpunar og ábyrgðar og skila í lok annar lokaafurð í formi skýrslu og kynna fyrir samnemendum sínum.
130 einingar á stúdentsbraut
Nemandi skal hafa öðlast þekkingu og skilning á:
helstu hugtökum sem tengjast megindlegum rannsóknaraðferðum.
helstu verkferlum við beitingu megindlegrar rannsóknaraðferðar.
Nemandi skal hafa öðlast leikni í að:
greina á milli ólíkra rannsóknaraðferða og beita í það minnsta einni þeirra.
miðla þekkingu sinni á kenningum og rannsóknum.
setja fram rannsóknarspurningar og tilgátur um rannsóknarefni að eigin vali.
Nemandi skal geta hagnýtt þá almennu þekkingu og leikni sem hann hefur aflað sér til að:
tengja megindlega rannsóknarhefð við helstu kenningar félagsvísinda ...sem er metið með... lokaverkefni.
framkvæma megindlega rannsókn á viðfangsefni að eigin vali ...sem er metið með... lokaverkefni.
kynna rannsóknarniðurstöður sínar á viðeigandi hátt ...sem er metið með... lokaverkefni.
sýna sjálfstæði í vinnubrögðum, draga ályktanir af rannsóknarniðurstöðum sínum og rökstyðja skoðanir sínar ...sem er metið með... lokaverkefni.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggir á lokaverkefni sem nemandi vinnurá önninni undir verkstjórn kennara.