Talnameðferð, frádráttur, margfeldi og deiling talna. Brotareikningur., samlagning
Samþykkt af skóla
1
5
FB
Talnameðferð, samlagning, frádráttur, margfeldi og deiling talna. Brotareikningur. Áhersla á að læra ákveðin grunnatriði til hlítar og byggja þannig upp sjálfstraust nemenda.
Nemendur sem fá einkunnina 5 eða lægri lokaeinkunn í grunnskóla og talið er að þurfi tvær annir til að byggja upp viðunandi grunn fyrir STÆR1AU05.
Nemandi skal hafa öðlast þekkingu og skilning á:
grunnatriðum táknmáls stærðfræðinnar
heilum tölum
röð aðgerða
almennum brotum
Nemandi skal hafa öðlast leikni í að:
lesa þann hluta táknmáls stærðfræðinnar sem tengist efni þessa áfanga
meðhöndla heilar tölur, jákvæðar og neikvæðar, leggja saman, draga frá, margfalda og deila
forgangsraða reikniaðgerðum
meðhöndla almenn brot, jákvæð og neikvæð, leggja saman, draga frá, margfalda og deila
Nemandi skal geta hagnýtt þá almennu þekkingu og leikni sem hann hefur aflað sér til að:
lesa einfaldan stærðfræðitexta
sýna útreikninga og skrá lausnir sínar skilmerkilega
geta unnið eftir fyrirmælum
láta skýringar fylgja með útreikningum
vanda alla framsetningu og sér í lagi að gæta að réttri notkun stærðfræðitákna
Vetrareinkunn og lokapróf. Vetrareinkunn byggir á vikulegu mati alla önnina með verkefnum og prófum. Nemendur endurvinna öll verkefni og próf þar til þeir hafa náð tökum á viðkomandi efnisþáttum og fá þá vinnu metna. Lokapróf spannar alla helstu efnisþætti áfangans og tekur mið af þekkingar-, leikni- og hæfniviðmiðum hans.