Í áfanganum verður farið yfir grunnþjálfun íþrótta. Með grunnþjálfun er átt við eiginleikana þol, styrk, liðleika, snerpu/hraða og samhæfingu. Notaðar verða mismunandi íþróttagreinar til þess að sýna hvernig þessir eiginleikar eru þjálfaðir og hvernig við þjálfum þá hjá börnum og unglingum. Nemandinn þjálfast í að leggja upp æfingar fyrir mismunandi aldurshópa. Stefnt er að því að nemandinn öðlist ákveðna grunnfærni og nái að auka líkamlega getu sína. Nemandinn tekur þátt í mælingum í byrjun og lok annar sem meta vissa þætti s.s. þol, styrk og liðleika.
engar
Nemandi skal hafa öðlast þekkingu og skilning á:
fjölbreyttum grunnþjálfunaræfingum fyrir mismunandi aldurshópa
því hvernig beita má leikjum í þjálfun
mismunandi þjálfunaraðferðum
sameiginlegum þáttum og áherslumun milli íþróttagreina
mismunandi aðferðum til að mæla ýmsa þjálfunarþætti t.d. þol og styrk
Nemandi skal hafa öðlast leikni í að:
stunda líkams- og heilsurækt
gera styrkjandi og mótandi æfingar fyrir helstu vöðva og liðamót líkamans
beita eigin áætlun og fylgja henni
greina líkamsbeitingu og vinnutækni og veita ráðleggingar
Nemandi skal geta hagnýtt þá almennu þekkingu og leikni sem hann hefur aflað sér til að:
flétta hreyfingu inn í daglegt líf til að viðhalda og bæta almenna líkamshreysti
leysa verkefni sem snúa að skipulagningu eigin þjálfunar
nýta æfingar og leiki til að viðhalda og bæta samskipti
greina frá afstöðu sinni til heilbrigðs lífsstíls
glíma við fjölbreytt verkefni sem snúa að alhliða hreyfingu, líkams- og heilsurækt
leysa af hendi verkefni, æfingar og leiki sem viðhalda og bæta almenna líkamshreysti
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.