Kennsluefnið sem unnið er með er Schritte International 3 eða sambærilegt. Námsefnið tilheyrir færnistigi A1 skv. evrópska viðmiðunarrammanum. Haldið er áfram þar sem frá var horfið í Þýsku 2 og áhersla lögð á rétta notkun hjálparsagna (Modalverben) og forsetninga. Þágufall er kynnt til sögu sem og eignarfall eiginnafna. Nemendur læra að beygja og beita sögnum í núliðinni tíð og þátíð. Jafnframt læra þeir að nota viðtengingarhátt hjálparsagna, afturbeygðar sagnir og undirskipaðar aukasetningar ("wenn ...."; "dass ..."). Hlustun og tal eru markvisst þjálfuð og færni í þeim dýpkuð. Sjónum er beint að sem fjölbreyttustum sviðum þjóðlífsins.
ÞÝSK1AF05
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta markmiðum áfangans
málfræðiatriðum eins og notkun hjálparsagna, notkun þolfalls og þágufalls í staðarákvörðunarliðum og þágufalls sem óbeins andlags. Einnig skulu nemendur hafa öðlast skilning á myndun og notkun núliðinnar tíðar og viðtengingarháttar.
þýskumælandi löndum og fengið innsýn í menningu, samskiptavenjur og siði þjóðanna
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja einföldum fyrirmælum og skilja helstu kveðjur og kurteisisávörp
lesa einfalda texta sem innihalda algengan orðaforða sem tengist honum, umhverfi hans og áhugamálum og vinna úr þeim á mismunandi hátt eftir því hver tilgangur með lestrinum er hverju sinni
taka þátt í einföldum samræðum um efni sem hann þekkir og beita kurteisis- og málvenjum við hæfi
segja á einfaldan hátt frá sjálfum sér, fjölskyldu sinni og atburðum daglegs lífs með því að beita orðaforða og framburði á sem réttastan hátt. Jafnframt að geta vísað til vegar og tjáð óskir sínar og afstöðu svo dæmi sé tekið.
skrifa texta um sjálfan sig og sitt nánasta umhverfi.
sækja um vinnu, skrifa póstkort, afla upplýsinga um leiguhúsnæði og kaupa húsgögn í gegnum smáauglýsingar, t.d.
lýsa upplifun á ferðalögum.
panta mat á veitingahúsum; tala um mat.
taka þátt í einföldum samtölum á vinnustað.
tjá sig um menntun sína og tómstundir.
ræða framtíðaráform m.t.t. til menntunar og atvinnu.
tjá óskir og geta mælt með.
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega á einfaldan hátt um grundvallarþætti daglegs lífs skv. hæfniþrepi A1/2 í ETM, svo sem atriði sem snerta vinnu og ferðalög, frítíma, heimilishald o.fl., ...sem er metið með... munnlegum og skriflegum æfingum.
skilja nokkuð flókið talað mál um hversdagsleg málefni ...sem er metið með... hlustunaræfingum.
skilja texta um hversdagsleg málefni sem notast við þau málfræðiatriði sem lýst er hér að framan.
afla sér upplýsinga, greina helstu atriði þeirra og hagnýta sér í náminu