Áfanginn er bæði bóklegur og verklegur með það að markmiði að nemandinn læri að kenna börnum og unglingum undirstöðuatriði í knattspyrnu. Áhersla er á tæknikennslu og kennslu í leikfræði og reglum. Stefnt er að því að nemendur öðlist ákveðna grunnfærni í greininni og lögð er áhersla á mikilvægi þess að leikurinn sé kenndur á leikrænan og skemmtilegan hátt. Áfanginn samsvarar sérgreinahluta Þjálfara 1 í fræðslukerfi KSÍ og nemendur taka einnig dómarapróf frá KSÍ.
ÍÞRG2ÞS03 eða sambærilegur áfangi
Nemandi skal hafa öðlast þekkingu og skilning á:
leikreglum í knattspyrnu
hvernig á að leiðbeina börnum í knattspyrnu
kennslu tækniæfinga í knattspyrnu
skipulagningu knattspyrnuþjálfunar
fjölbreyttum leik- og tækniæfingum í knattspyrnu
Nemandi skal hafa öðlast leikni í að:
leiðbeina byrjendum í knattspyrnu
greina getu ólíkra einstaklinga í hóp
nota knattspyrnu sem skólaíþrótt
spila knattspyrnu
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja íþróttatíma í knattspyrnu
stjórna hópi af börnum í knattspyrnuþjálfun
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.