Í þessum grunnáfanga í líffræði er fjallað um manninn sem lífveru, samskipti hans við aðrar lífverur, áhrif mannsins á umhverfið og sjálfbærni. Líffræði er tengd daglegu lífi og áhugasviði ungs fólks. Efnisflokkar: Líffræðin sem fræðigrein, vísindaleg aðferð. Helstu sameiginleg einkenni lífvera. Gerð, bygging og starfsemi mannslíkamans (frumur, líffæri, líffærakerfi). Kynning á erfðafræði og erfðatækni. Yfirlit um lífveruhópa með áherslu á hvernig maðurinn hefur gagn eða skaða af mismunandi hópum. Vistkerfi, fæðukeðjur, stofnar, samfélög. Áhrif mannsins á umhverfið fyrr og nú, umhverfismál og sjálfbær þróun. Verklegar æfingar og verkefni miða að því að virkja nemendur, dýpka þekkingu, auka reynslu og kveikja áhuga á viðfangsefnum líffræðinnar.
Nemandi skal hafa öðlast þekkingu og skilning á:
grundvallarhugtökum líffræðinnar
vísindalegri aðferð
starfsemi og heilbrigði mannslíkamans, erfðum, samspili í vistkerfum, helstu einkennum lífvera og lífveruhópa
hvaða gagn og skaða maðurinn hefur af hinum ýmsu lífverum
áhrifum mannsins á umhverfið og leiðum til sjálfbærni
Nemandi skal hafa öðlast leikni í að:
undirbúa smásjársýni og skoða sýni í smásjá
setja fram tilgátur og prófa þær með einföldum tilraunum