Tískuteikning, hlutföll, hugmyndavinna og ferilmappa, tækni
Samþykkt af skóla
1
4
FB
Í áfanganum læra nemendur að teikna flatar teikningar, þ.e. tækniteikningar/vinnuteikningar sem sýna fatnað með öllum smáatriðum s.s saumum, hneppingum o.fl. Nemendur læra um grunnform líkamans, hlutföll, hreyfingu og mismunandi stöður. Kennd eru undirstöðuatriði í hugmyndavinnu fyrir fatahönnun og hvernig hugmyndir eru útfærðar með tískuteikningum og flötum teikningum. Hugmynda- og skissuvinna er unnin út frá þema og vinna nemendur í skissubækur yfir önnina. Farið er í teikningar fyrir áferð á efni, mikilvægi lita og frágang teikninga. Lögð er áhersla á að nota fjölbreytt áhöld og pappír. Kynnt notkun tölvu og forrita fyrir hönnun. Lagður er grunnur að ferilmöppu.
Nemandi skal hafa öðlast þekkingu og skilning á:
hvernig hægt er að skapa dýpt með ýmsum aðferðum
hlutföllum í mannslíkamanum
nokkrum algengum teiknimiðlum
nokkrum leiðum til að útfæra teikningu eftir fyrirmynd á skapandi hátt
ólíkum tilgangi með teikningu
hugmyndavinnu út frá þema
þemaspjöldum, handgerðum sem og í tölvum
aðferðum við teikningu á tískugínum
flötum teikningum
skissuvinnu sem hluta af ferli við hugmyndavinnu
mikilvægi ferilmöppu
íslenskum og erlendum fatahönnuðum
mikilvægi stöðugra æfinga til að ná framförum í teikningu
Nemandi skal hafa öðlast leikni í að:
yfirfæra það sem hann sér með teikningu á tvívíðan flöt
teikna og skyggja grunnform
nota þekkingu sína á grunnformum í teikningu á ýmiss konar fyrirmyndum
beita algengum teiknimiðlum eins og blýanti, kolum, bleki ofl.
beita aðferðum til að ná fram áferðum og skyggingum í teikningum
nota ímyndunarafl til að útfæra og víkka út teikningu eftir fyrirmynd
setja fram eigin hugmyndir með teikningu
teikna flatar teikningar
vinna hugmyndavinnu og teikna skissur út frá þema
útbúa þema- og litaspjöld jafnt í höndum og í tölvu
setja fram hugmyndir og ganga frá verkefnum í ferilmöppu
skoða og læra af erlendum og íslenskum fatahönnuðum
Nemandi skal geta hagnýtt þá almennu þekkingu og leikni sem hann hefur aflað sér til að:
geta teiknað fyrirmynd í réttum hlutföllum
þróa eigin stíl í teikningu
rannsaka aðferðir og hugmyndir á bak við ólíkar teikningar
þróa áfram aðferðir sínar til að setja fram eigin hugmyndir með teikningu
nota teikningar eftir listamenn, vísindamenn og hönnuði sem innblástur fyrir eigin vinnu
velja mismunandi teikniáhöld og aðferðir í tengslum við eigin ætlan
Verkefnaskil yfir önnina. Nemendur skila svo vandaðri vinnumöppu (ferilmöppu) sem inniheldur verkefni annarinnar ásamt skissubók sem unnin hefur verið jafnt og þétt yfir önnina. Nemendur þurfa að geta gert grein fyrir vinnu sinni munnlega í yfirferð með samnemendum og kennara. Vinnusemi, ástundun, skilvirkni og vandvirkni er einnig hluti af námsmati.