Gaslögmál, flokkar efnahvarfa, hlutföll í efnahvörfum, hraði efnahvarfa., hvarfavarmi
Samþykkt af skóla
3
5
FB
Samband hita, þrýstings, rúmmáls og efnismagns fyrir gastegundir, eðlismassi gass, mólrúmmál, mettunarþrýstingur, helstu gerðir efnahvarfa, fellingar, sýru-basahvörf, oxunar-afoxunarhvörf, hlutföll í efnahvörfum, títranir, hvarfavarmi, innvermin og útvermin hvörf, lögmál Hess, hraði efnahvarfa, hraðalögmál, virkjunarorka, hvatar, árekstrakenningin. Leitast er við að tengja einstök viðfangsefni við heilbrigði og velferð.
EFNA2AL05
Nemandi skal hafa öðlast þekkingu og skilning á:
einkennum gass í samanburði við föst efni og vökva
gaslögmálunum
eðlismassa gass við mismunandi aðstæður
helstu flokkum efnahvarfa
hlutföllum í efnahvörfum
orkubreytingum í efnahvörfum
hraða efnahvarfa
Nemandi skal hafa öðlast leikni í að:
nota gaslögmálin til að leysa verkefni er varða tengsl þrýstings, rúmmáls, efnismagns, hita og eðlismassa
skrifa stilltar brúttó- og nettójöfnur fyrir fellingarhvörf
greina á milli sýru og basa og skrifa stilltar efnajöfnur fyrir hvörf þessara efna
reikna pH út frá styrk H3O+ og OH- og öfugt
skrifa stilltar efnajöfnur fyrir oxunar-afoxunarhvörf, átta sig á hvaða efni oxast og hvaða efni afoxast, hvaða efni er oxari og hvaða efni er afoxari
leysa verkefni er varða hlutföll í efnahvörfum, þ.á m. að vinna úr niðurstöðum títrana
átta sig á orkubreytingum í innvermum og útvermum efnahvörfum, nota lögmál Hess, reikna dH út frá myndunarvarma efna
vinna með og útskýra grunnþætti varðandi hraða efnahvarfa
framkvæma tilraunir í tilraunastofu skv. leiðbeiningum, framkvæma mælingar, greina og setja fram niðurstöður og útreikninga á skýran hátt í tilraunaskýrslu
Nemandi skal geta hagnýtt þá almennu þekkingu og leikni sem hann hefur aflað sér til að:
greina efnafræðileg úrlausnarefni og vinna úr þeim
gera tilraunir í tilraunastofu með vönduðum vinnubrögðum
sýna sjálfstæð vinnubrögð
bæta við sig námi á 3. þrepi í efnafræði
Verkefni, tilraunaskýrslur og próf sem taka mið af ofangreindum þekkingar-, leikni- og hæfniviðmiðum.