Í þessum áfanga er lögð áhersla að kenna mikilvæg grunnatriði þessarar námsgreinar og tengja við daglegt líf og umhverfi okkar, bæði með jöfnum og útreikningum sem og skilningi hugtaka og lögmála. Sérstök áhersla er á orku og orkumál: stöðu- og hreyfiorku, varmaorku, bræðslu og uppgufun, ástandsbreytingar, kjarnorku, innri orku jarðar og orku sólar. Þessi atriði eru tengd saman og sýnt fram á mikilvægi þeirra fyrir daglegt líf okkar. Helstu atriðin eru: virkjanamál, vatnsaflsvirkjanir og jarðvarmavirkjanir og samanburður við kjarnorku. Ágrip af virkjanasögu okkar. Sjálfbærni í orku- og umhverfismálum. Orkubúskapur jarðar, varmaútgeislun jarðar og gróðurhúsaáhrif, rafsegulbylgjur, geislun sólar og orkuuppspretta hennar. Ósonlagið og myndun/eyðing þess, hlýnun jarðar og mögulegar afleiðingar.
5 fein í stærðfræði á 2. þrepi
Nemandi skal hafa öðlast þekkingu og skilning á:
grunnhugtökum, einingakerfinu og táknum greinar.
viðfangsefnum greinarinnar og mikilvægi þeirra fyrir líf í nútímasamfélagi
hraða og hröðun og geti tengt t.d. við sólkerfið
þyngdarkraftinum og hvernig hann verkar á okkur
þyngdarkraftinum og verkan hans í sólkerfinu
mikilvægi stöðuorkunnar og tengsl við þyngdarkraftinn
hvernig raforkuframleiðsla fer fram í virkjun
hvernig orka sólar myndast og berst til jarðar
hvaða orkuform eru nýtanleg hér á landi, mikilvægi þeirra og hvaða áhrif nýting hefur á umhverfið
vistvænni orku og framtíðarmöguleikum okkar í orkumálum
helstu atriðum um kjarnorku og hættur samfara nýtingu hennar
helstu tegundum geislunar og hættum fyrir manninn
Nemandi skal hafa öðlast leikni í að:
vinna með jöfnur og lögmál áfangans
vinna með einingar og grunnhugtök
vinna við framkvæmd og úrvinnslu einfaldra tilrauna
meta hvort niðurstaða verkefnis sé raunhæf eða ekki
skilja mismunandi orkumyndir, hvernig þær verða til og hugsanlega tengjast
tengja námsefni áfangans við umhverfi sitt
lesa í og ræða einföld sambönd og tengja milli efnisþátta
Nemandi skal geta hagnýtt þá almennu þekkingu og leikni sem hann hefur aflað sér til að:
tengja við það sem áður var lært í reikningi
álykta um hvaða lögmál eru að verki við ákveðnar aðstæður
setja upp verkefni og bæði greina það og leysa
geta séð mikilvægi námsefnis áfangans fyrir umhverfi sitt og jörðina
sjá hvernig framþróun vísinda fer fram út frá ákveðnum dæmum
tengja námsefni áfangans við umhverfi sitt og daglegt líf
miðla niðurstöðu úr verkefni í hópvinnu t.d. með greinargerð eða munnlegri framsögn
geta lesið blaðagreinar um málefni sem varða framtíð okkar og nýta sér við það þekkingu sína úr áfanganum
taka þátt í umræðum um orku- og umhverfismál
Fjölbreytt verkefnavinna í tímum og einkunn gefin fyrir verkefnahefti. Tilraunir og verkefni úr þeim, annarpróf og/eða lokapróf. Einnig er ástundun og virkni nemenda í tímum metin til einkunnar.
Nemendur vinna bæði sjálfstætt og í hópum og lögð er áhersla á sjálfstæð vinnubrögð og virkni í tímum.