Viðfangsefni áfangans er myndveruleikinn og sú myndræna bylting sem átt hefur sér stað í ólíkum fjölmiðlum. Raunveruleikinn í dag er mjög myndrænn, hvort sem átt er við dagblöð, tímarit, sjónvarp, tölvuleiki, kvikmyndir eða Netið almennt. Nemendur kynnast sögu myndvæðingar, kynnast eðli ólíkra myndmiðla; allt frá málverkum til ljósmynda (tísku-, frétta- og auglýsingaljósmyndir) og hreyfimyndum (kvikmyndir, sjónvarp, auglýsingar, Netið). Nemendur vinna með ólíka þætti myndmálsins og leggja mat á áhrifamátt þess í samhengi við ólíka samfélagsgerð bæði í tíma og rúmi. Þá verður rýnt í hlutverk myndarinnar í áróðurslegum tilgangi, m.a. í stríðsrekstri og í því að viðhalda ákveðnum samfélagslegum gildum, m.a. gagnvart stöðu kynjanna.
FJÖL2FH05
Nemandi skal hafa öðlast þekkingu og skilning á:
sögulegri þróun myndvæðingar frá hellalist til nútímans
upphafs ljósmyndunar og sögu kvikmyndalistarinnar
helstu áhrifaþáttum myndmálsins og því hvernig grafískir miðlar geta haft áhrif á skoðanir og sjálfsímynd fólks
einum þætti myndmálsins sérstaklega
Nemandi skal hafa öðlast leikni í að:
vinna með helstu grunnhugtök myndgreiningar
þekkja helstu myndmiðla
afla upplýsinga um a.m.k. eitt svið myndmiðla og greina það vandlega
innihaldsgreina kvikmyndir frá ólíkum tímum með tilliti til staðalmynda og félagslegra þátta
þekkja hugmyndir um sýndarveruleika og færni í að tengja þær við myndveruleika fjölmiðla
greina ýmis samskiptamynstur er verða til í netheimum
geta sett fram helstu niðurstöður á skiljanlegan og markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr einstökum dæmum og leggja sjálfstætt mat á þau
sýna sjálfstæði, t.d. hafa frumkvæði að því að vinna verkefni og vinna að þeim á ábyrgan hátt
álykta um gæði og galla þeirra heimilda sem unnið er með
leggja siðferðilegt mat á þau áhrif sem myndvæðingin felur í sér
geta tekið þátt í umræðum og skoðanaskiptum með jafningjum um samfélagsleg áhrif myndrænnar miðlunar
• Þekkingin er metin með fjölbreyttri verkefnavinnu sem að mestu leyti er unnin í kennslustunum.
• Leiknin er metin út frá vinnubrögðum við heimildaöflun, skilningi á viðfangsefninu og því hvernig nemandi tileinkar sér aðferðir við framsetningu fjölmiðlaefnis.
• Hæfnin er metin úr frá þátttöku, skoðanaskiptum og rökræðu við jafningja og kennara ásamt færni í því að leggja mat á stöðu og efni fjölmiðla.