Gerð er krafa um staðgóða undirstöðukunnáttu. Nemendur dýpka þekkingu sína í fræðilegri umfjöllun um hlutverk og gildi fjölmiðla í þjóðfélaginu með lestri, viðtölum og vettvangsferðum. Verkefnavinna, ýmist einstaklings eða hópvinna, er veigamesti þátturinn í áfanganum. Æskilegt er að nemendur sérhæfi sig út frá eigin áhugasviði í þessum verkefnum og velji eitt eftirtalinna: dagblöð/tímarit, ljósvakamiðla, kvikmyndir, myndmiðla eða Netið. Áfanginn og sú færni sem nemendur tileinka sér getur nýst sem góður grunnur fyrir lokaverkefni félagsfræðabrautar.
FJÖL2FH05/FJÖL3MV05
Nemandi skal hafa öðlast þekkingu og skilning á:
fræðilegri undirstöðu fjölmiðlafræðinnar og ólíkum leiðum fjölmiðlunar
helstu kenningum um áhrif fjölmiðla
helstu þróunarþáttum í sögu fjölmiðla og fjölmiðlunar
félagslegum og stjórnmálalegum áhrifum fjölmiðla og hvernig þau hafa breyst í gegnum tíðina
hvernig fjölmiðlar endurspegla stöðu mannréttinda og jafnréttis í tíma og rúmi
fjölbreyttum aðferðum við að miðla fjölmiðlaefni
Nemandi skal hafa öðlast leikni í að:
nýta sér margvíslega tækni og aðferðir í heimilda– og þekkingarleit, svo sem með viðtölum, vettvangsferðum, notkun Netsins og ýmissa gagnagrunna
greina stöðu fjölmiðla í samhengi við ólíkar samfélagsgerðir
vera gagnrýninn og meðvitaður um áhrif fyrirmynda og staðalmynda í fjölmiðlum á ímynd og lífsstíl
sýna frumkvæði og skapandi hugsun
nota ólík form fjölmiðlunar til þess koma eigin efni á framfæri
geta sett fram helstu niðurstöður og miðla upplýsingum á skapandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
tjá skoðanir sínar og útskýra verklag sitt á ábyrgan, gagnrýninn og skýran hátt
setja fram eigin skoðun, rökræða og taka gagnrýna afstöðu til siðferðislegra álitamála
sýna fram á sjálfstæði í vinnubrögðum við undirbúning, framkvæmd og úrvinnslu verkefna
vinna úr einstökum dæmum og leggja sjálfstætt mat á þau
álykta um gæði og galla þeirra heimilda sem unnið er með
meta eigin frammistöðu og annarra á gagnrýninn hátt
Áfanginn er símatsáfangi.
Þekkingin er metin með margvíslegri verkefnavinnu nemenda yfir önnina.
Leiknin er metin út frá vinnubrögðum við heimildaöflun, skilningi á viðfangsefninu og því hvernig nemandi tileinkar sér aðferðir við framsetningu fjölmiðlaefnis.
Hæfnin er metin úr frá þátttöku, skoðanaskiptum og rökræðu við jafningja og kennara ásamt færni í því að leggja mat á stöðu og efni fjölmiðla.