Í þessum áfanga munu nemendur kynna sér menningu í enskumælandi löndum í gegnum samtímabókmenntir. Lögð er áhersla á að nemendur tjái sig munnlega og skriflega og beiti málinu af nákvæmni. Nemendur skrifi ýmiss konar efni frá eigin brjósti.
ENSK1UB05 eða 7,0 eða hærra á grunnskólaprófi
Nemandi skal hafa öðlast þekkingu og skilning á:
helstu menningarsvæðum þar sem enskan er móðurmál eða fyrsta mál
ólíkum viðhorfum og gildum, hvernig þau móta menninguna í þeim löndum þar sem málið er notað og geti tengt þau eigin samfélagi og menningu
þverfaglegum orðaforða
helstu hefðum í uppsetningu og skipulagi ritaðs máls
Nemandi skal hafa öðlast leikni í að:
skilja mál sem talað er með mismunandi hreim eða við ólíkar aðstæður, sem og skilja algengustu orðasambönd sem eru einkennandi fyrir talað mál
tjá sig skýrt og hnökralaust um málefni sem nemandinn hefur kynnt sér
lesa margs konar gerðir texta og beita viðeigandi lestraraðferðum
skrifa margs konar texta, formlega og óformlega, og fylgja helstu rithefðum og reglum um málbeitingu
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, fjölmiðlaefni, inntak erinda, rökræðna og fræðilegra fyrirlestra, ...sem er metið með... verkefnum
skrifa texta frá eigin brjósti þar sem hugmyndaflug getur fengið að njóta sín, ...sem er metið með... verkefnum
skrifa margs konar texta og fylgja þeim ritunarhefðum sem eiga við í hverju tilviki fyrir sig, ...sem er metið með... verkefnum
taka þátt í skoðanaskiptum, eiga frumkvæði í samræðum og bregðast við óvæntum spurningum og athugasemdum, ...sem er metið með... verkefnum og munnlegri framsögn
Símatsáfangi. Námsmat byggist að mestu leyti á vinnu nemenda yfir önnina. Lokapróf er ekki í áfanganum.