Í áfanganum eru nemendur látnir vinna með hugtök og þekkingu úr nútímaeðlisfræði. Samtímis því eru nemendur þjálfaðir í þeim vinnubrögðum sem notuð eru við nám í þessari grein. Nemendur vinna bæði sjálfstætt og saman í hópum og lögð er áhersla á sjálfstæði og ábyrgð nemandans á eigin námsframvindu.
EÐLI2BV05
EÐLI2RA05
Nemandi skal hafa öðlast þekkingu og skilning á:
snúningshreyfingu og kyrrstöðujafnvægi.
varmafræði, hita- og kvikfræði.
2. lögmáli Newtons fyrir snúningshreyfingu, lögmálinu um varðveislu hverfiþunga.
lögmálum Boyls, Charles og Gey-Lussacs og (kjör)gaslögmálinu (ástandsjöfnu gass).
takmörkuðu afstæðiskenningunni, tímalengingu og lengdarsamdrátti.
lögmálinu um varðveislu orkunnar, fyrstu og annarri frumhæfingu takmörkuðu.
afstæðiskenningarinnar og tengslum massa og orku.
óvissulögmál Heisenbergs og skömmtun orku í atómum.
Nemandi skal hafa öðlast leikni í að:
vinna með tölur og vigra í eðlisfræði og í vísindalegum vinnubrögðum.
beita lögmálum og jöfnum við að leysa verkefni af ýmsu tagi.
leiða út með rökrænum hætti jöfnu fyrir sambandi stærða frá gefnum forsendum.
vinna með fjölmæla og ýmsa rafhluti við að framkvæma verklegar æfingar og vinna úr mæliniðurstöðum þeirra, m.a. með tölvuforritum.
setja fram eðlisfræðilegt umfjöllunarefni á skýran og markvissan hátt í ræðu og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum og bera ábyrgð á eigin námsframvindu.
nota námsefni og gögn á markvissan hátt.
yfirfæra þekkingu úr öðrum greinum til að auðvelda námið.
meta hvort niðurstöður útreikninga og mælinga séu raunhæfar.
tengja eðlisfræðina við daglegt líf og umhverfi og gera sér grein fyrir notagildi hennar.