Þessi áfangi miðast við A2 í sjálfsmatsramma Evrópsku tungumálamöppunnar. Áfanginn er framhaldsáfangi og er megináhersla lögð á að nemendur tileinki sér enn betur undirstöðuatriði tungumálsins. Nemendur byggja upp orðaforða um sitt nánasta umhverfi og eru þjálfaðir í hlustun, ritun, lestri og tali. Markmiðið er að nemendur þjálfist í því að geta spurt til vegar, geti bókað hótelbergi á þýsku og pantað sér mat og drykk á veitingastað. Að nemendur geti byggi upp orðaforða sem tengist því og noti til þess grunnatriðin í þýskri málfræði. Einnig læra nemendur að tjá sig um áhugasvið sín og æfa enn betur að tala um liðna atburði og framtíðaráform. Markmiðið er að geta bjargað sér nokkurn veginn á þýsku. Stuðst verður við fjölbreyttar kennsluaðferðir þar sem tekið er mið af markmiðum áfangans. Áhersla er lögð á réttan framburð, uppbyggingu orðaforða og að þjálfa grunnatriði málfræðinnar. Nemendur hlusti á lög sungin á þýsku og geri verkefni tengd þeim. Einnig eru sýndar kvikmyndir og þættir á þýsku.
Nemendur velja sér ákveðin umfjöllunarefni sem tengjast hinum þýskumælandi löndum og kynna fyrir samnemendum.
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta markmiðum áfangans
grundvallarþáttum þýska málkerfisins
á menningu, samskiptavenjum og siðum hinna þýskumælandi þjóða
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja fyrirmælum í kennslustofunni á þýsku
lesa einfalda texta sem innihalda algengan orðaforða sem tengist nemandanum sjálfum, umhverfi og áhugamáli hans
taka þátt í einföldum samræðum um efni sem hann þekkir
segja frá sjálfum sér og fjölskyldu sinni
tala um áhugamál sín, og atburði dagslegs lífs í nútíð – og í núliðinni tíð / þátíð
skrifa stutta texta um sjálfan sig fjölskyldu sína og áhugamál sín
skrifa stuttan texta um liðna atburði
spyrja til vegar og vísa til vegar
lýsa staðsetningu
bóka hótelherbergi og panta mat á veitingastað
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega um efni sem hann þekkir
skilja talað mál þegar rætt er um efni sem tengist námsefninu
skilja einfalda texta
• Þekking er metin með lokaprófi, skriflegum könnunum og verkefnum sem bæði eru unnin heima og í kennslustundum.
• Leikni er metin með fjölbreyttum verkefnum og könnunum sem taka mið af færniþáttunum fjórum samkvæmt ETM. ( Tal, hlustun, lestur og ritun )
• Hæfnin er metin í verkefnavinnu samkvæmt markmiðum ETM.
• Lokapróf metur hæfni nemanda til að skilja lesinn og ólesinn texta, grunnatriði í þýskri málfræði sem og ritunarfærni nemanda.
• Munnlegt próf metur hæfni nemanda til að tjá sig á þýsku og skilning á töluðu máli.